വെള്ളക്കെട്ടിൽ നിന്ന്​ സ്വദേശിയെ രക്ഷിച്ച ഫിലിപ്പീൻകാരന്​ ആദരം

ജിദ്ദ: കനത്ത മഴയിൽ വെള്ളക്കെട്ടിൽ  കുടുങ്ങിയ സ്വദേശിയെ രക്ഷിച്ച ഫിലിപ്പീൻ പൗരനായ സാർ യുവാദാ ദാവൂദിന്​ ആഭ്യന്തരമന്ത്രി അബ്​ദുൽ അസീസ്​ ബിൻ സഉൗദ്​ ബിൻ നാഇഫി​​െൻറ ആദരം. സൗദി സിവിൽ ഡിഫൻസ്​ മേധാവി ജനറൽ സുലൈമാൻ ബിൻ അബ്​ദുല്ല അൽഅംറുവാണ്​ കാഷ്​​ അവാർഡ്​ കൈമാറിയത്​. 
ആഭ്യന്തരമന്ത്രിക്ക്​ ഫിലിപ്പീൻ പൗരൻ നന്ദി രേഖപ്പെടുത്തി. കഴിഞ്ഞ ചൊവ്വാഴ്​ച കനത്ത മഴ​യെ തുടർന്നുണ്ടായ​ വെള്ളക്കെട്ടിൽ കാറിൽ കുടുങ്ങിയെ സ്വദേശിയെയാണ്​ ഇദ്ദേഹം രക്ഷപ്പെടുത്തിയത്​. സ്വദേശിയെ ഇയാൾ രക്ഷപ്പെടുത്തുന്ന വീഡിയോ​ സോഷ്യൽ മീഡിയയിൽ വൈറലായിരുന്നു.