റാബിഗ്​ കടലോര വികസനം: കോൺട്രാക്​ടിങ്​ കമ്പനിയെ ഒഴിവാക്കി

മക്ക: റാബിഗ്​​ കടലോര​ വികസന പദ്ധതി നടപ്പാക്കുന്ന കോൺ​ട്രാക്​ടിങ്​​ കമ്പനിയെ പദ്ധതിയിൽ നിന്ന്​ പിൻവലിക്കാൻ മക്ക ഡെപ്യൂട്ടി ഗവർണർ അമീർ അബ്​ദുല്ല ബിൻ ബൻദർ നിർദേശം നൽകി. പദ്ധതി പരിശോധിക്കാനെത്തിയ ഡെപ്യൂട്ടി ഗവർണർ, നടപ്പാതകളും വഴികളും നിർമിച്ചതിൽ വീഴ്​ച കണ്ടെത്തിയിരുന്നു.  
മേഖലയുടെ വിവിധ ഭാഗങ്ങൾ സന്ദർശിക്കുന്നതി​​െൻറ ഭാഗമായാണ്​ ​അദ്ദേഹം റാബിഗിലുമെത്തിയത്​. 
നേരത്തെ അല്ലീത്​, ജംമൂം, ഖുൻഫുദ തുടങ്ങിയ സ്​ഥലങ്ങൾ സന്ദർശിക്കുകയും പ്രദേശത്തെ പദ്ധതികൾ പരിശോധിക്കുകയും ചെയ്​തിരുന്നു.