അമേരിക്കന്‍ സെനറ്റ് നിലപാടിനെ സൗദി ശക്​തമായി അപലപിച്ചു

റിയാദ്: സൗദിക്കെതിരെ പ്രചരിക്കുന്ന അടിസ്ഥാന രഹിത ആരോപണങ്ങളും വാദമുഖങ്ങളും അടിസ്ഥാനമാക്കി അമേരിക്കന്‍ സെന റ്റ് സ്വീകരിച്ച നിലപാടിനെ സൗദി അറേബ്യ ശക്തമായ ഭാഷയില്‍ അപലപിച്ചു. സെനറ്റി​​​െൻറ നിലപാട് സൗദിയുടെ ആഭ്യന്തര കാ ര്യത്തിലെ ഇടപെടലാണെന്ന്​ വിദേശകാര്യ മന്ത്രാലയം പുറത്തിറക്കിയ പ്രസ്​താവന വിമർശിച്ചു. മേഖലയിലും അന്താരാഷ്​ട ്ര തലത്തിലും സൗദിക്കുള്ള മഹത്തായ സ്ഥാനത്തിനെതിരായ നിലപാടാണ് സെനറ്റ് സ്വീകരിച്ചത്.

എന്നാൽ സഖ്യരാഷ്​ട്രങ്ങള്‍ എന്ന നിലയിൽ അമേരിക്കയും സൗദിയും തമ്മിലുള്ള സൗഹൃദത്തിന് ഇത് കോട്ടം തട്ടിക്കില്ല. പതിറ്റാണ്ടുകള്‍ നീണ്ട സൗഹൃദമാണ് ഇരു രാജ്യങ്ങള്‍ക്കുമിടയിലുള്ളത്. ഈ സൗഹൃദം നിലനിര്‍ത്താന്‍ സൗദി എന്നും ശ്രമിച്ചിട്ടുണ്ട്. അതേ സമയം സെനറ്റ് ഇത്തരം കാര്യങ്ങള്‍ പരിഗണിച്ചി​ല്ലെന്ന് വിദേശകാര്യ മന്ത്രാലയം തുറന്നടിച്ചു.

സെനറ്റി​​​െൻറ നിലപാട് അറബ്, ഇസ്​ലാമിക രാഷ്​ട്രങ്ങളിലും മേഖലയിലും അന്താരാഷ്​ട്ര തലത്തിലും സൗദിക്കുള്ള സ്ഥാനത്തിന് ഒരു കോട്ടവും തട്ടിക്കില്ല. തീവ്രവാദത്തെ തടയുന്നതിലും മേഖലയില്‍ സമാധാനം നിലനിര്‍ത്താനും സൗദി എന്നും ശ്രമിച്ചിട്ടുണ്ട്. ഐ.എസിനെ നിര്‍മാര്‍ജനം ചെയ്യാനും യമനില്‍ സമാധാനം പുനഃസ്ഥാപിക്കാനും ഐക്യരാഷ്​ട്ര കരാര്‍ നടപ്പാക്കാനും സൗദി ശ്രമിച്ചിട്ടുണ്ട്. മേഖലയില്‍ ഇറാന്‍ നടത്തുന്ന ഇടപെടലുകളെയും സൗദി ചെറുത്തിട്ടുണ്ട്​.

എണ്ണ വിപണിയില്‍ ഉല്‍പാദകര്‍ക്കും ഉപഭോക്താക്കള്‍ക്കുമിടിയില്‍ ആരോഗ്യകരമായ ബന്ധം നിലനിര്‍ത്തി വിപണി സന്തുലിതത്വം കാത്തു സൂക്ഷിക്കുന്നതിലും സൗദി സുപ്രധാന പങ്കാണ് വഹിക്കുന്നത്. ഊർജം, സാമ്പത്തിക മേഖല എന്നിവയിലും സൗദിക്ക് അവഗണിക്കാനാവാത്ത സ്ഥാനമുണ്ട്. സൗദി, അമേരിക്കന്‍ ബന്ധത്തില്‍ വിള്ളലുകള്‍ സൃഷ്​ടിക്കാന്‍ ഉദ്ദേശിക്കുന്നവരുടെ സന്ദേശങ്ങളാണ് അമേരിക്കന്‍ സെനറ്റ് പൊക്കിപ്പിടിക്കുന്നതെന്നും സൗദി മുന്നറിയിപ്പ് നല്‍കി.

്