സൗ​ദി ഹ​രി​ത​വ​ത്​​ക​ര​ണം; ജു​ബൈ​ലി​ൽ ക​ണ്ട​ൽ​പാ​ർ​ക്ക് സ്ഥാ​പി​ക്കും

ജു​ബൈ​ൽ: പാ​രി​സ്ഥി​തി​ക മു​ന്നേ​റ്റ​ത്തി​​ന്റെ ഭാ​ഗ​മാ​യി ജു​ബൈ​ലി​ൽ ക​ണ്ട​ൽ​പാ​ർ​ക്ക് സ്ഥാ​പി​ക്കു​ന്നു. അ​ന്ത​രീ​ക്ഷ​ത്തി​ലെ കാ​ർ​ബ​ൺ സാ​ന്നി​ധ്യം കു​റ​​ക്കാ​നും ജൈ​വ​വൈ​വി​ധ്യ സം​ര​ക്ഷ​ണ​ത്തി​നും സ​ഹാ​യി​ക്കു​ന്ന ഈ ​നീ​ക്ക​ത്തി​ൽ റോ​യ​ൽ ക​മീ​ഷ​ൻ അ​ധി​കൃ​ത​രു​മാ​യി സൗ​ദി അ​റേ​ബ്യ​ൻ മൈ​നി​ങ്​ ക​മ്പ​നി ധാ​ര​ണ​പ​ത്രം ഒ​പ്പു​വെ​ച്ചു. ജു​ബൈ​ലി​നെ കാ​ർ​ബ​ൺ ന്യൂ​ട്ര​ലാ​ക്കാ​നു​ള്ള ന​ട​പ​ടി​യു​ടെ ഭാ​ഗ​മാ​യി 2040-ഓ​ടെ ഒ​രു​കോ​ടി ക​ണ്ട​ൽ​മ​ര​ങ്ങ​ൾ ന​ട്ടു​പി​ടി​പ്പി​ക്ക​ലാ​ണ് പ​ദ്ധ​തി.

2030ഓ​ടെ സൗ​ദി അ​റേ​ബ്യ​യി​ലു​ട​നീ​ളം 10 കോ​ടി ക​ണ്ട​ലു​ക​ൾ ന​ട്ടു​പി​ടി​പ്പി​ക്കു​ക എ​ന്ന സൗ​ദി ഗ്രീ​ൻ ഇ​നീഷ്യേ​റ്റി​വി​ന്റെ (സൗ​ദി ഹ​രി​ത​വ​ത്​​ക​ര​ണ) പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​ണി​ത്. ഇ​ത് ഏ​ക​ദേ​ശം 9.6 കോ​ടി ട​ൺ കാ​ർ​ബ​ൺ ഉ​ദ്വ​മ​നം കു​റ​ക്കു​ക​യും രാ​ജ്യ​ത്തി​​ന്റെ തീ​ര​ദേ​ശ ആ​വാ​സ​വ്യ​വ​സ്ഥ​യെ സു​സ്ഥി​ര​മാ​ക്കാ​ൻ സ​ഹാ​യി​ക്കു​ക​യും ചെ​യ്യും.

അ​ന്ത​രീ​ക്ഷ​ത്തി​ലെ കാ​ർ​ബ​ണി​നെ ക​ണ്ട​ൽ​ക്കാ​ടു​ക​ൾ​ക്ക്​ പി​ടി​ച്ചെ​ടു​ക്കാ​നു​ള്ള ശേ​ഷി​യു​ണ്ട്. അ​തു​കൊ​ണ്ടു​ ത​ന്നെ ഏ​റ്റ​വും ഫ​ല​പ്ര​ദ​മാ​യ പ്ര​കൃ​തി​ദ​ത്ത ആ​വാ​സ​വ്യ​വ​സ്ഥ ക​ണ്ട​ൽ​ക്കാ​ടു​ക​ൾ പ്ര​ദാ​നം ചെ​യ്യും. തീ​ര​പ്ര​ദേ​ശ​ത്തെ ജൈ​വ​വൈ​വി​ധ്യം പു​നഃ​സ്ഥാ​പി​ക്കു​ന്ന​തി​നും ക​ഴി​യും.

ധാ​ര​ണ​പ​ത്ര പ്ര​കാ​രം ക​ണ്ട​ൽ​ച്ചെ​ടി​ക​ൾ ന​ട്ടു​പി​ടി​പ്പി​ക്ക​ൽ, പ​രി​സ്ഥി​തി വ്യ​വ​സ്ഥ​യു​ടെ ആ​രോ​ഗ്യം എ​ന്നി​വ​യു​മാ​യി ബ​ന്ധ​പ്പെ​ട്ട ഗ​വേ​ഷ​ണ സം​രം​ഭ​ങ്ങ​ളി​ൽ ഇ​രു​ക​ക്ഷി​ക​ളും കൈ​കോ​ർ​ത്ത് പ്ര​വ​ർ​ത്തി​ക്കും. ഇ​തി​നു​പു​റ​മെ, ആ​വാ​സ​വ്യ​വ​സ്ഥ പു​നഃ​സ്ഥാ​പി​ക്കാ​നും പ​രി​സ്ഥി​തി അ​വ​ബോ​ധം വ​ർ​ധി​പ്പി​ക്കാ​നും സ​ഹാ​യി​ക്കു​ന്ന പ്രാ​ദേ​ശി​ക സാ​മൂ​ഹി​ക ഹ​രി​ത​വ​ത്​​ക​ര​ണ പ​രി​പാ​ടി​ക​ൾ ന​ട​പ്പാ​ക്കാ​ൻ ഇ​രു​സ്ഥാ​പ​ന​ങ്ങ​ളും പ​ദ്ധ​തി ത​യാ​റാ​ക്കും.

മ​അ​ദ​ൻ ക​മ്പ​നി​യു​മാ​യു​ള്ള ഞ​ങ്ങ​ളു​ടെ പ​ങ്കാ​ളി​ത്തം ക​ണ്ട​ൽ​കാ​ടു​ക​ളു​ടെ സം​ര​ക്ഷ​ണ​ത്തി​നും വി​പു​ലീ​ക​ര​ണ​ത്തി​നും സ​ഹാ​യ​ക​മാ​കു​മെ​ന്ന് റോ​യ​ൽ ക​മീ​ഷ​ൻ ഫോ​ർ ജു​ബൈ​ൽ ആ​ൻ​ഡ് യാം​ബു പ്ര​ധി​നി​ധി മ​ഹ്​​മൂ​ദ് അ​ൽ​തീ​ബ് പ​റ​ഞ്ഞു.

തീ​ര​പ്ര​ദേ​ശ​ത്തെ ജൈ​വ​വൈ​വി​ധ്യം സം​ര​ക്ഷി​ക്കാ​നും മ​ണ്ണൊ​ലി​പ്പ് ത​ട​യാ​നും ക​ണ്ട​ൽ​കാ​ടു​ക​ൾ അ​നി​വാ​ര്യ​മാ​ണ്. ഗ​ൾ​ഫ് മേ​ഖ​ല​യി​ലും സൗ​ദി അ​റേ​ബ്യ​യി​ലെ ചെ​ങ്ക​ട​ൽ പ്ര​ദേ​ശ​ങ്ങ​ളി​ലും ക​ണ്ട​ലു​ക​ൾ വ്യാ​പ​ക​മാ​യി ന​ട്ടു​പി​ടി​പ്പി​ക്കു​ന്നു​ണ്ടെ​ന്ന്​ ദു​ബൈ എ​ക്‌​സ്‌​പോ സി​റ്റി​യി​ൽ ന​ട​ന്ന സൗ​ദി ഗ്രീ​ൻ ഇ​നി​ഷ്യേ​റ്റീ​വ് ഫോ​റ​ത്തി​ൽ ഖാ​ലി​ദ് ബി​ൻ അ​ബ്​​ദു​ല്ല അ​ൽ അ​ബ്​​ദു​ൽ ഖാ​ദി​ർ പ​റ​ഞ്ഞു. നി​ല​വി​ലെ ക​ണ്ട​ൽ​കാ​ടു​ക​ൾ സം​ര​ക്ഷി​ക്കാ​ൻ മാ​ത്ര​മ​ല്ല, ന​ശി​ച്ച​വ പു​നഃ​സ്ഥാ​പി​ക്കാ​നും ശ്ര​മം ന​ട​ക്കു​ന്നു​ണ്ട്.