സൗദി ഗെയിം ചാമ്പ്യൻസ് മേള സമാപിച്ചു

റി​യാ​ദ്: സൗ​ദി അ​റേ​ബ്യ​യി​ലെ ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്‌​നോ​ള​ജി മ​ന്ത്രാ​ല​യ​ത്തി​ന്റെ കീ​ഴി​ലു​ള്ള ഡി​ജി​റ്റ​ൽ സം​രം​ഭ​ക​ത്വ സ്ഥാ​പ​ന​മാ​യ ‘കോ​ഡ്’ സം​ഘ​ടി​പ്പി​ച്ച ‘സൗ​ദി ഗെ​യിം ചാ​മ്പ്യ​ൻ​സ്’ മേ​ള സ​മാ​പി​ച്ചു. ഗെ​യിം നി​ർ​മാ​ണ സ്​​റ്റു​ഡി​യോ​ക​ളു​ടെ വ​ള​ർ​ച്ച​ക്ക്​ അ​നു​കൂ​ല​മാ​യ സാ​ഹ​ച​ര്യം രാ​ജ്യ​ത്ത് സൃ​ഷ്​​ടി​ച്ചെ​ടു​ക്കു​ക​യെ​ന്ന​താ​യി​രു​ന്നു ഒ​മ്പ​ത് മാ​സ​ത്തോ​ളം നീ​ണ്ടു​നി​ന്ന പ​രി​പാ​ടി​യു​ടെ ഉ​ദ്ദേ​ശ്യം.

ഇ​ല​ക്ട്രോ​ണി​ക് ഗെ​യി​മി​ങ്​ മേ​ഖ​ല​യി​ലു​ള്ള സൗ​ദി ഡെ​വ​ല​പ്പ​ർ​മാ​രു​ടെ ക​ഴി​വു​ക​ളെ പ​രി​പോ​ഷി​പ്പി​ക്കാ​ൻ രൂ​പ​ക​ൽ​പ​ന ചെ​യ്ത ഈ ​പ​രി​പാ​ടി​യി​ൽ 25 സൗ​ദി ഗെ​യിം സ്​​റ്റു​ഡി​യോ​ക​ൾ പ​ങ്കെ​ടു​ത്തു. 180 മ​ണി​ക്കൂ​റി​ല​ധി​കം പ്ര​ത്യേ​ക വ​ർ​ക്‌​ഷോ​പ്പു​ക​ളും 1500 മ​ണി​ക്കൂ​റി​ല​ധി​കം നീ​ണ്ട മ​റ്റു പ​രി​ശീ​ല​ന​ങ്ങ​ളും മാ​ർ​ഗ​നി​ർ​ദേ​ശ​ങ്ങ​ളും ന​ൽ​കി. ഗെ​യിം വ്യ​വ​സാ​യ​ത്തി​ൽ സൗ​ദി​യു​ടെ ആ​ഗോ​ള സ്ഥാ​ന​മു​യ​ർ​ത്താ​നും രാ​ജ്യ​ത്തെ പ്ര​തി​ഭ​ക​ളെ സ​മ്പൂ​ർ​ണ​മാ​യി ഉ​പ​യോ​ഗ​പ്പെ​ടു​ത്താ​നു​മാ​ണ് ന​വീ​ന​വും മ​ത്സ​ര​ബു​ദ്ധി​യോ​ടെ​യു​മു​ള്ള ഗെ​യി​മു​ക​ൾ നി​ർ​മി​ക്കാ​നു​ള്ള ‘കോ​ഡി’​ന്റെ ശ്ര​മം ല​ക്ഷ്യ​മി​ട്ട​ത്.ഗെ​യിം ജാം, ​ഇ​ൻ​കു​ബേ​ഷ​ൻ, ആ​ക്‌​സി​ല​റേ​ഷ​ൻ ഉ​ൾ​പ്പെ​ടെ വി​വി​ധ ഘ​ട്ട​ങ്ങ​ളി​ലാ​യാ​ണ് പ​രി​പാ​ടി ന​ട​ന്ന​ത്. രാ​ജ്യം ഈ ​രം​ഗ​ത്ത് ക​ണ്ടെ​ത്തി​യ പ്ര​തി​ഭ​ക​ളെ​യും കൈ​വ​രി​ച്ച നേ​ട്ട​ങ്ങ​ളെ​യും ഉ​യ​ർ​ത്തി​പ്പി​ടി​ച്ച് വി​ജ​യാ​ഘോ​ഷ​ങ്ങ​ളോ​ടെ​യാ​ണ് മേ​ള അ​വ​സാ​നി​ച്ച​ത്.