സൗദി സ്ഥാ​പ​ക​ദിനം; യാം​ബു പൈ​തൃ​ക​ന​ഗ​രി​യി​ലും ആ​ഘോ​ഷ​നി​റ​വ്​

യാം​ബു: മൂ​ന്നു നൂ​റ്റാ​ണ്ടി​ന്റെ ച​രി​ത്ര പൈ​തൃ​ക​ഗ​രി​മ​യി​ൽ രാ​ജ്യ​മെ​ങ്ങും കൊ​ണ്ടാ​ടി​യ സ്ഥാ​പ​ക​ദി​നാ​ഘോ​ഷ​ത്തി​ന്റെ ഭാ​ഗ​മാ​യി യാം​ബു പൈ​തൃ​ക​ന​ഗ​രി​യി​ലും ഉ​ത്സ​വ​നി​റ​വ്. പൊ​തു അ​വ​ധി പ്ര​ഖ്യാ​പി​ച്ചി​രു​ന്ന​തി​നാ​ൽ ജ​ന​ങ്ങ​ളു​ടെ അ​ഭൂ​ത​പൂ​ർ​വ​മാ​യ തി​ര​ക്കാ​ണ് അ​നു​ഭ​വ​പ്പെ​ട്ട​ത്. ഹെ​റി​റ്റേ​ജ് പാ​ർ​ക്കി​ൽ സ്വ​ദേ​ശി കു​ടും​ബ​ങ്ങ​ളും പ്ര​വാ​സി​ക​ളും വ​ൻ​തോ​തി​ലെ​ത്തി. സൗ​ദി പാ​ര​മ്പ​ര്യ വ​സ്ത്ര​ധാ​ര​ണം ന​ട​ത്തി​യും പ​ര​മ്പ​രാ​ഗ​ത വ​സ്തു​ക്ക​ളും സൗ​ദി പ​താ​ക​യും സ്ഥാ​പ​ക​ദി​നാ​ഘോ​ഷ​പ​താ​ക​യും കൈ​ക​ളി​ലേ​ന്തി​യും മു​തി​ർ​ന്ന​വ​രു​ടെ​യും കു​ട്ടി​ക​ളു​ടെ​യും ആ​ഘോ​ഷ​പ​രി​പാ​ടി​ക​ൾ ഏ​റെ ആ​ക​ർ​ഷ​ണീ​യ​മാ​യി​രു​ന്നു.

സൗ​ദി​യു​ടെ സ​മ്പ​ന്ന​മാ​യ പൈ​തൃ​ക​വും സം​സ്‌​കാ​ര​വും പ​ര​സ്‌​പ​രം പ​ങ്കു​വെ​ച്ചും പ്ര​ക​ടി​പ്പി​ച്ചും യു​വാ​ക്ക​ളു​ടെ കൂ​ട്ടാ​യ്മ​ക​ളി​ൽ തീ​ർ​ത്ത പ​രി​പാ​ടി​ക​ൾ സ​ന്ദ​ർ​ശ​ക​രെ ആ​ക​ർ​ഷി​ച്ചു. ചെ​ങ്ക​ട​ലി​​ന്റെ ഓ​രം​ചേ​ർ​ന്നു​ള്ള ഹെ​റി​റ്റേ​ജ് ന​ഗ​രി​യി​ലെ ശേ​ഷി​പ്പു​ക​ളെ​ല്ലാം പ​ഴ​മ​യു​ടെ പെ​രു​മ നി​ല​നി​ർ​ത്തി സൗ​ദി ക​മീ​ഷ​ൻ ‍ഫോ​ര്‍ ടൂ​റി​സം ആ​ൻ​ഡ്​ ഹെ​റി​റ്റേ​ജ് അ​തോ​റി​റ്റി സം​ര​ക്ഷി​ച്ചു​വ​രു​ക​യാ​ണ്.

അ​റേ​ബ്യ​ൻ സം​സ്കാ​ര​ത്തി​​ന്റെ​യും നാ​ഗ​രി​ക​ത​യു​ടെ​യും ച​രി​ത്ര​ങ്ങ​ളി​ലേ​ക്ക് വെ​ളി​ച്ചം​വീ​ശു​ന്ന അ​പൂ​ർ​വ കാ​ഴ്ചാ​നു​ഭ​വ​മാ​ണ് ഈ ​പു​രാ​ത​ന ന​ഗ​രം സ​ന്ദ​ർ​ശ​ക​ർ​ക്ക് പ​ക​ർ​ന്നു​ന​ൽ​കു​ന്ന​ത്. 500 വ​ർ​ഷ​ത്തോ​ളം പ​ഴ​ക്ക​മു​ള്ള ജ​ന​വാ​സ​കേ​ന്ദ്ര​ങ്ങ​ളു​ടെ അ​വ​ശി​ഷ്​​ട​ങ്ങ​ളും നൂ​റ്റാ​ണ്ടു​ക​ൾ പ​ഴ​ക്ക​മു​ള്ള വീ​ടു​ക​ളും ഇ​വി​ടെ സ​ന്ദ​ർ​ശ​ക​ർ​ക്ക് കൗ​തു​കം പ​ക​രു​ന്ന​താ​ണ്. അ​റേ​ബ്യ​ന്‍ സാം​സ്‌​കാ​രി​ക​ത്ത​നി​മ​യി​ലേ​ക്ക് വെ​ളി​ച്ചം​വീ​ശി കാ​ല​ത്തെ അ​തി​ജ​യി​ച്ച് ഇ​പ്പോ​ഴും നി​ല​നി​ല്‍ക്കു​ന്ന പൈ​തൃ​ക ശേ​ഷി​പ്പു​ക​ൾ കാ​ണാ​ൻ അ​വ​ധി ദി​ന​ങ്ങ​ളി​ൽ സ​ന്ദ​ർ​ശ​ക​രു​ടെ ന​ല്ല ഒ​ഴു​ക്കാ​ണി​വി​ടെ. പ​ഴ​മ​യു​ടെ പെ​രു​മ വി​ളി​ച്ചോ​തു​ന്ന കാ​ഴ്ച​ക​ൾ ക​ണ്ടും ച​രി​ത്ര​സ്മ​ര​ണ​ക​ൾ അ​യ​വി​റ​ക്കി​യു​മാ​ണ് സൗ​ദി സ്ഥാ​പ​ക​ദി​നാ​ഘോ​ഷം പ​ല​രും ഇ​വി​ടെ കൊ​ണ്ടാ​ടി​യ​ത്.