കരുത്തി​െൻറ ചുവടുകൾ, പിഴക്കാത്ത ഉന്നങ്ങൾ: മക്കയുടെ മണ്ണി​ൽ സൈനികരുടെ ഉജ്വല പ്രകടനം

മക്ക: ദേശാന്തരങ്ങൾ കടന്നെത്തിയ തീർഥാടക ലക്ഷങ്ങൾ വിശുദ്ധ മണ്ണിൽ എല്ലാ അർഥത്തിലും സുരക്ഷിതരാണെന്ന വിളംബരവുമായി മക്കയിൽ സൗദിയുടെ വിവിധ സേനാവിഭാഗങ്ങൾ അഭ്യാസപ്രകടനം നടത്തി. ഹാജിമാർക്ക്​ ഒരു പോറലുമേൽപിക്കാൻ ​ പഴുതു നൽകില്ലെന്ന വീരസൈനികരുടെ പ്രതിജ്ഞ കൂടിയായിരുന്നു ​സൈനികപരേഡ്​. ശാന്തിയുടെ താഴ്​വാരം സൈനിക ശക്​തിയുടെ പ്രകമ്പനത്തിൽ ആവേശഭരിതമായി. അറഫ മൈതാനത്തിനടുത്തെ സൈനിക പരേഡ്​ ഗ്രൗണ്ടിൽ ബുധനാഴ്​ച വൈകുന്നേരം ആറ്​ മണിയോടെയാണ്​ ആയിരക്കണക്കിന്​ സൈനികർ പ​െങ്കടുത്ത ഉജ്വല പ്രകടനം നടന്നത്​. 

കിരീടാവകാശി അമീർ മുഹമ്മദ്​ ബിൻ സൽമാൻ മുഖ്യാതിഥിയായിരുന്നു. അ​ദ്ദേഹം സല്യൂട്ട്​ സ്വീകരിച്ചതോടെയാണ്​ സേനാവിഭാഗങ്ങളുടെ വിസ്​മയപ്രകടനങ്ങൾക്ക്​ തുടക്കമായത്​.  ‘ഖുവ്വ, ഹസീമ, നസ്​ർ’ (കരുത്ത്​, കീഴടക്കൽ, വിജയം) എന്ന്​ കരുത്തുറ്റ ചുവടുകളുടെ അകമ്പടിയോടെ സൈന്യം ആവേശത്തോടെ പാടി മുന്നേറി. ആകാശത്ത്​ വിജയപതാകയുമേന്തി ഹെലികോപ്​ടറുകൾ  സൈന്യത്തോടൊപ്പം ‘ചുവടുകൾ’ വെച്ചു. പലവേഷങ്ങളിൽ ആയുധങ്ങളു​മേന്തിയുള്ള സേനാനീക്കങ്ങൾ ഒരുവേള കാവ്യാത്​മകതയുള്ള നൃത്തച്ചുവടുകളായി. അതിർത്തികളിലും കരയിലും കടലിലും ആകാശത്തും സുരക്ഷയുടെ കവചമൊരുക്കുന്നവരുടെ ആഘോഷവേളയായി ഹജ്ജിന്​ മുന്നോടിയായുള്ള പരേഡ്​​. 

വിജയകരമായ ഭീകരവേട്ടയു​െട ആവിഷ്​കാരം പരേഡ്​ കാണാനെത്തിയ പ്രമുഖരടങ്ങുന്ന ആയിരക്കണക്കിന്​ കാണികളെ വിസ്​മയിപ്പിച്ചു. ചാവേർ സ്​ഫോടനവും ഭീകരകേന്ദ്രങ്ങളിൽ ഇരച്ചുകയറിയുള്ള സൈനിക ഒാപറേഷനും നേർകാഴ്ചകളായി. അടിയന്തര സാഹചര്യങ്ങളെ നേരിടുന്ന വിധം അവർ അവതരിപ്പിച്ചു. ശത്രുക്കളുടെ എല്ലാ നീക്കങ്ങളേയും ​ ധീരതയോടെയും കൗശലത്തോടെയും നേരിട്ട്​ വിജയം  വരിക്കുന്ന സേനയുടെ മികവ്​ കാണികളെ അദ്​ഭുതപ്പെടുത്തി. വൻ സ്​ഫോടനങ്ങളുടെ ആവിഷ്​കാരം കാണികളെ ​െഞട്ടിച്ചു. വെടിക്കോപ്പുകളും സൈനികവാഹനങ്ങളും നിരനിരയായി നീങ്ങിയ പ്രകടനം യുദ്ധഭൂമിയുടെ  പ്രതീതി ജനിപ്പിച്ചു.  ഭീകര വിരുദ്ധസേന, അടിയന്തര സേന, വ്യോമ സേന, സിവിൽ ഡിഫൻസ്​, ട്രാഫിക്​ റോഡ്​ സുരക്ഷ, പട്രോളിങ്​ വിഭാഗം, ധ്രുതകർമസേന, അതിർത്തിസേന, ഹജ്ജ്​^ഉംറ സേന  തുടങ്ങി 20 ഒാളം  വിഭാഗങ്ങളാണ്​ പരേഡിൽ പ​​െങ്കടുത്തത്​. 
ആഭ്യന്തര മന്ത്രിയും ഹജ്ജ്​ ഉന്നത സമിതി അധ്യക്ഷനുമായ അമീർ അബ്​ദുൽ അസീസ്​ ബിൻ സഉൗദ്​ ബിൻ നായിഫ്​ ചടങ്ങിൽ സംസാരിച്ചു.  ഹാജിമാരെ സേവിക്കാനും അവർക്ക്​ സുരക്ഷ ഒരുക്കാനും​ സാധിക്കുന്നത്​ രാജ്യത്തിന്​ ദൈവം നൽകിയ അനുഗ്രഹമാണെന്ന്​ ആഭ്യന്തരമന്ത്രി  പറഞ്ഞു. സൈനിക പരേഡിന്​ സാക്ഷ്യം വഹിക്കാൻ എത്തിയ കിരീടാവകാശിക്ക്​ അദ്ദേഹം നന്ദി പറഞ്ഞു.  മദീന ഡെപ്യൂട്ടി ഗവർണർ അമീർ സഉൗദ്​ ബിൻ ഖാലിദ്​ അൽ ഫൈസൽ, മക്ക ഡെപ്യൂട്ടി ഗവർണർ അമീർ അബ്​ദുല്ല ബിൻ ബന്ദർ, ഇരു ഹറം കാ​ര്യാലയ മേധാവി ​ഡോ.അബ്​ദുറഹ്​മാൻ അസ്സുദൈസ്​, ഹജ്ജ്​ മന്ത്രി ഡോ. മുഹമ്മദ്​ സ്വാലിഹ്​ ബിൻതൻ തുടങ്ങി വിവിധ വകുപ്പ്​ മന്ത്രിമാരും   സേനാമേധാവികളും സന്നിഹിതരായിരുന്നു.