റിയാദിൽ നിന്ന് 152 യാത്രക്കാരുമായി​ കോഴിക്കോ​ട് വിമാനം പുറപ്പെട്ടു

റിയാദ്​: കോവിഡ്​ പശ്ചാത്തലത്തിൽ വിദേശത്ത്​ കുടുങ്ങിപ്പോയ പ്രവാസി ഇന്ത്യാക്കാരെ തിരിച്ചെത്തിക്കുന്ന കേന്ദ്ര ഗവൺമ​െൻറി​​െൻറ വന്ദേ ഭാരത്​ മിഷൻ രണ്ടാം ആഴ്​ചയിലെ വിമാന സർവിസ്​ തുടങ്ങി. റിയാദ്​, ദമ്മാം എന്നിവിടങ്ങളിൽ നിന്നാണ്​ ആദ്യ സർവിസുകൾ പുറപ്പെട്ടത്​. 152 യാത്രക്കാരുമായി എയർ ഇന്ത്യ വിമാനം കോഴിക്കോ​േട്ടക്ക്​ റിയാദ്​ കിങ്​ ഖാലിദ്​ ഇൻറർനാഷനൽ എയർപ്പോർട്ടിൽ നിന്ന്​ ഉച്ചക്ക്​ 12.52ന്​ പറന്നുയർന്നു.

145 മുതിർന്നവരും ഏഴ്​ കുട്ടികളുമാണ്​ ഇൗ വിമാനത്തിലുള്ളത്​. രാത്രി 7.46ന്​ കരിപ്പൂരിലിറങ്ങും. യാത്രക്കാരിൽ പകുതിയിലധികവും ഗർഭിണികളാണ്​. സ്​ത്രീ യാത്രക്കാരിൽ നല്ലൊരു പങ്ക്​ സൗദിയിലെ വിവിധ ആശുപത്രികളിൽ ജോലി ചെയ്യുന്ന നഴ്​സുമാരാണ്​. ബുറൈദയിൽ നിന്ന്​ 17 നഴ്​സുമാരുടെ സംഘമാണ്​ എത്തിയത്​. ആരോഗ്യമന്ത്രാലയത്തിന്​ കീഴിലെ വിവിധ ആശുപത്രികളിൽ ജോലി ചെയ്യുന്നവർ ആരോഗ്യവകുപ്പി​​െൻറ വാഹനത്തിൽ റിയാദിൽ എത്തിച്ചേരുകയായിരുന്നു.

രാവിലെ ഒമ്പത്​ മണിക്ക്​ തന്നെ യാത്രക്കാരുടെ ലഗേജ്​ ചെക്ക്​ ഇൻ, ബോർഡിങ്​ നടപടികൾ ആരംഭിച്ചു. എയർ ഇന്ത്യ എയർപ്പോർട്ട്​ ഡ്യൂട്ടി മാനേജർ സിറാജ്​ നടപടികൾക്ക്​ നേതൃത്വം നൽകി. യാത്രക്കാരിൽ സന്ദർശക വിസയിലും സ്ഥിര വിസയിലുമുള്ള കുടുംബങ്ങളും ധാരാളമായി ഉൾപ്പെട്ടിട്ടുണ്ട്​. രോഗികളും ജോലി നഷ്​ടപ്പെട്ട്​ എക്​സിറ്റ്​ വിസയിലുള്ളവരുമുണ്ട്​. വിദൂര പ്രദേശങ്ങളിലേക്കുള്ളവരും കോഴിക്കോട്​ വിമാനത്തിൽ പോയിട്ടുണ്ട്​.

റിയാദിൽ കോവിഡ്​ ബാധിച്ച്​ മരിച്ച ആദ്യ ഇന്ത്യാക്കാരനും മലയാളിയുമായ സഫ്​വാ​​െൻറ ഭാര്യ ഖമറുന്നിസയും യാത്രക്കാരിൽ ഉണ്ട്​. മലപ്പുറം ചെമ്മാട്​ സ്വദേശിയായ സഫ്​വാൻ ഏപ്രിൽ നാലിനാണ്​ റിയാദിലെ സൗദി ജർമൻ ആശുപത്രിയിൽ മരിച്ചത്​. റിയാദിൽ ഡ്രൈവറായിരുന്ന സഫ്​വാ​​െൻറ അടുത്തേക്ക്​ മാർച്ച്​ എട്ടിനാണ്​ ഖമറുന്നിസ വിസിറ്റ്​ വിസയിലെത്തിയത്​. രണ്ടാഴ്​ചക്ക്​ ശേഷം സഫ്​വാന്​ അസുഖം പിടികൂടുകയായിരുന്നു. സഫ്​വാ​​െൻറ മരണശേഷം ഒറ്റപ്പെട്ട ഖമറുന്നിസയെ റിയാദ്​ കെ.എം.സി.സിയും ചെമ്മാട്​ പ്രവാസി കൂട്ടായ്​മയുമാണ്​ സംരക്ഷിച്ചിരുന്നത്​.

ഇന്ത്യൻ എംബസിയിൽ രജിസ്​റ്റർ ചെയ്​ത 60000ത്തോളം ആളുകളിൽ നിന്ന്​ തെരഞ്ഞെടുക്ക​പ്പെട്ടവരാണ്​ ഇൗയാഴ്​ചയിലെ വിവിധ വിമാനങ്ങളിൽ പോകുന്നത്​. കണ്ണൂരിലേക്കുള്ള വിമാനം ബുധനാഴ്​ച ഉച്ചക്ക്​ 12.45ന്​ റിയാദിൽ നിന്ന്​ പുറപ്പെടും. അതിലും 150ഒാളം യാത്രക്കാരുണ്ടാവും. ടിക്കറ്റുകളെല്ലാം വിറ്റുകഴിഞ്ഞു.