ബിസിനസ്​ ലൈസൻസുകളുടെ നടപടിക്രമങ്ങൾ എളുപ്പമാക്കി സൗദി; സ്വന്തം രാജ്യത്ത് നിന്ന് ഇനി കമ്പനി രജിസ്​റ്റര്‍ ചെയ്യാം

ജിദ്ദ: ഇനി സ്വന്തം രാജ്യത്ത് നിന്ന് സൗദിയില്‍ കമ്പനി രജിസ്​റ്റര്‍ ചെയ്യാം. രാജ്യത്ത് ബിസിനസ്​ ലൈസൻസുകൾ നേടുന്നതിനുള്ള നടപടിക്രമങ്ങൾ എളുപ്പമാക്കി. വിദേശത്ത് നിന്ന് ഓൺലൈൻ വഴി ലൈസൻസുകൾ നേടാം. സൗദി നിക്ഷേപ മന്ത്രാലയമാണ് പുതിയ സേവനം ആരംഭിച്ചത്. ആദ്യം അപേക്ഷകരുടെ രാജ്യത്തുള്ള സൗദി എംബസിയിൽ, തുടങ്ങാൻ പോകുന്ന ബിസിനസിനുള്ള കരാറിന് അറ്റസ്​റ്റേഷൻ നടത്തണം. ഇതിനുള്ള സൗകര്യം ഓൺലൈൻ ലിങ്കായി വിദേശകാര്യ മന്ത്രാലത്തി​െൻറ വെബ്​ സൈറ്റിൽ നൽകിയിട്ടുണ്ട്.

ഇൗ നടപടി പൂർത്തിയാക്കിയാൽ സൗദിയിൽ ബിസിനസിനുള്ള ലൈസൻസ് കരസ്ഥമാക്കലാണ് അടുത്ത ഘട്ടം. ഇതിനുള്ള സൗകര്യം നിക്ഷേപ മന്ത്രാലയത്തി​െൻറ ഓൺലൈൻ പോർട്ടലിലുണ്ട്. മൂന്നാമത്തെ ഘട്ടം കൊമേഴ്സ്യൽ രജിസ്ട്രേഷൻ (സി.ആർ) നടപടി പൂർത്തിയാക്കലാണ്. ഇത് വാണിജ്യമന്ത്രായത്തി​െൻറ വെബ്സൈറ്റ് വഴിയാണ് പൂർത്തിയാക്കേണ്ടത്.

ഇതൊടെ സ്ഥാപനം തുടങ്ങാനുള്ള നടപടികൾ അവസാനിക്കും. പുതിയ സേവനത്തിലൂടെ നിക്ഷേപകർ നേരത്തെ നേരിട്ടിരുന്ന വെല്ലുവിളികളും മറികടക്കാം. പുതിയ സേവനത്തെ സംബന്ധിച്ച് വിവിധ ഭാഷകളിൽ വ്യാപകമായ മാർക്കറ്റിങ്​ കാമ്പയിൻ നടത്തുമെന്നും മന്ത്രാലയം അറിയിച്ചു.