നടത്തം പ്രോൽസാഹിപ്പിക്കാൻ മക്കയിൽ വനിത ക്ലബ്

ജിദ്ദ: ആരോഗ്യസംരക്ഷണത്തിന്​ നടത്തം പ്രോൽസാഹിപ്പിക്കുന്നതിന്​  മക്കയിൽ സ്വദേശി വനിത ക്​ളബ്​ രൂപവത്​കരിച്ചു. ആരോഗ്യബോധവത്​കരണ പരിപാടികൾ സംഘടിപ്പിക്കുകയാണ്​ ലക്ഷ്യം. വനിതകൾ ഗ്രൂപുകളായി തിരിഞ്ഞ്​ വ്യായാമത്തിനായി നടത്തം സംഘടിപ്പിക്കുന്നതോടൊപ്പം വിവധ പരിപാടികളും ആരോഗ്യചർച്ചകളും സംഘടിപ്പിക്കും. റമദാനിൽ തുടർച്ചയായി വ്യായാമ പരിപാടികൾ സംഘടിപ്പിക്കുമെന്നും ബന്ധപ്പെട്ടവർ പറഞ്ഞു. 
റമദാനിൽ ആരോഗ്യദായകമായ ഭക്ഷണം പോൽസാഹിപ്പിക്കുകയും ക്​ളബി​​െൻറ പ്രവർത്തനത്തിൽപെടും.  ആദ്യമായാണ്​ ഇങ്ങനെയൊരു വനിത കൂട്ടായ്​മയെന്ന്​ പ്രാദേശികപത്രം റിപ്പോർട്ട്​ ചെയ്​തു.