സൗദിയിൽ മാസപ്പിറവി കണ്ടില്ല

റിയാദ്: സൗദി അറേബ്യയില്‍ ശവ്വാല്‍ മാസപ്പിറവി കണ്ടില്ല. ഞായറാഴ്ച്ച റമദാൻ 30 തികച്ച് തിങ്കളാഴ്ച പെരുന്നാൾ ആകാനാണ് സാധ്യത. തുമൈര്‍, ഹുത്ത സുദൈര്‍, ത്വാഇഫ് എന്നിവിടങ്ങളിലാണ് മാസപ്പിറവി നിരീക്ഷിക്കാൻ സംവിധാനം ഒരുക്കിയിരുന്നത്. എന്നാൽ, എവിടെയും കാണാനായില്ല.

അതേസമയം, പെരുന്നാൾ സംബന്ധിച്ച ഔദ്യോഗിക പ്രഖ്യാപനം ഉണ്ടായിട്ടില്ല. സൗദി സുപ്രീം കോടതിയുടെയും റോയല്‍ കോര്‍ട്ടിന്‍റെയും അറിയിപ്പുകള്‍ വൈകാതെ ലഭിക്കും.