യാത്ര പറഞ്ഞുപോയ പ്രിയപ്പെട്ടവ​െൻറ വേര്‍പാട് വിശ്വസിക്കാനാവാതെ കുടുംബം

ബുറൈദ: പിടയ്​ക്കുന്ന ഹൃദയത്തോടെ വിറകൊള്ളുന്ന കൈപിടിച്ച്​ യാത്ര പറയു​േമ്പാൾ ഉമ്മയും കൂടെപിറപ്പുകളും ഒരിക്കലും കരുതിയിട്ടുണ്ടാവില്ല, അരുമയായ അവ​​െൻറ എന്നന്നേക്കുമുള്ള യാത്ര പറച്ചിലാണെന്ന്​. തൊഴിൽ തേടി സൗദിയിലെത്തിയതി​​െൻറ 30ാം നാള്‍ ഒരു വാഹനാപകടത്തിൽ പൊലിഞ്ഞ ആലപ്പുഴ സദേശി ഷാന്‍ ഷാഹുലെന്ന 22 കാരൻ അവർക്ക്​ അത്രമേൽ പ്രിയപ്പെട്ടതായിരുന്നു. 

നാലുവർഷം മുമ്പുണ്ടായ മറ്റൊരു റോഡപകടം ബാപ്പയുടെ ജീവനപഹരിച്ചപ്പോൾ നിരാലംബമായ കുടുംബത്തി​​െൻറ ഭാരം ചുമലിലേറ്റിയാണ്​ യുവാവ്​ ഒരു മാസം മുമ്പ്​ ബഖാല ജീവനക്കാര​​െൻറ വിസയിൽ ഖസീം പ്രവിശ്യയിലെ ഉനൈസയിലെത്തിയത്​. ചാരുമ്മൂട് ചുനക്കര കരിമൂലക്കല്‍ അമ്പലവിള കിഴക്കതില്‍ വീട്ടില്‍ ഷാഹുൽ ഹമീദി​​െൻറ മകനായ ഷാൻ കഴിഞ്ഞ ദിവസം. ജോലിയുടെ ഭാഗമായി ടുവീലറില്‍ പോകുന്നതിനിടെയാണ്​ അപകടത്തിൽ പെട്ടത്​. 
സ്വദേശി ഓടിച്ച ലാന്‍ഡ്ക്രൂയിസര്‍ വാഹനം ഇടിച്ച് ഗുരുതരമായി പരിക്കേറ്റ്​ രണ്ട് ദിവസം ഉനൈസ കിങ് സഊദ് ആശുപത്രിയില്‍ കഴിഞ്ഞൂ. എന്നാൽ ജീവൻ രക്ഷിക്കാനായില്ല. ഉനൈസ മുറൂജ്​ മഖ്​ബറയിൽ ഖബറടക്കി. സനാഇയയിൽ നടന്ന മയ്യിത്ത്​ നമസ്​കാരത്തിലും ഖബറടക്കത്തിലും ബന്ധുക്കളും ഉനൈസയിലെ മലയാളി സംഘടനാ പ്രവര്‍ത്തകരും പങ്കെടുത്തു. 

പിതാവ് നാല് വര്‍ഷം മുമ്പ് നാട്ടിലുണ്ടായ ടുവീലര്‍ അപകടത്തിലാണ് മരിച്ചത്. ഇപ്പോൾ ഷാ​​െൻറ വേര്‍പാട് കൂടിയായതോടെ കുടുംബത്തിനത്​ താങ്ങാവുന്നതിനുമപ്പുറമായി. മരണം ഉൾക്കൊള്ളാൻ മാതാവിനും മറ്റ് ബന്ധുക്കള്‍ക്കും ഇനിയുമായിട്ടില്ല. നിര്‍ധന കുടുംബത്തിലെ എക ആണ്‍തരിയെന്ന നിലയിൽ യുവാവിന് ബന്ധു റഷീദ് അയച്ചുകൊടുത്ത വിസയിലാണ് ഇവിടെയെത്തിയത്. വീട്ടുകാരുടെയും നാട്ടുകാരുടെയും കണ്ണിലുണ്ണിയായിരുന്ന ഷാന് അപകടമുണ്ടായ ദിവസം മുതല്‍ പൊതുപ്രവര്‍ത്തകരു​േടതുള്‍പ്പെടെ പ്രാര്‍ഥനകളും സഹായാഭ്യര്‍ഥനകളും സാമൂഹികമാധ്യമങ്ങളില്‍ പ്രചരിക്കുന്നുണ്ടായിരുന്നു. 

സമീപത്തെ അനാഥ യുവതിയുമായി വിവാഹം ഉറപ്പിച്ചിരുന്ന ഷാ​​െൻറ മരണം പെണ്‍കുട്ടിക്കും ബന്ധുക്കള്‍ക്കും ആഘാതമായി. കുടുംബത്തി​​െൻറ സാമ്പത്തികാവസ്ഥ ബോധ്യപ്പെട്ട ഖസീം പ്രവാസി സംഘം ഉനൈസ യൂനിറ്റ് സഹായസമിതി രൂപവത്കരിച്ച് പ്രവര്‍ത്തനം തുടങ്ങി. ബിജു ചെറിയാന്‍ ചെയര്‍മാനും ഡോ. ലൈജു കണ്‍വീനറുമായ സഹായസമിതിയുമായി സംഘത്തി​​െൻറ ഖസീം പ്രവിശ്യയിലെ എല്ലാ യൂനിറ്റുകളും സഹകരിക്കുമെന്ന് കേന്ദ്രകമ്മിറ്റി സെക്രട്ടറി പര്‍വീസ് തലശ്ശേരി പറഞ്ഞു. വിശദവിവരങ്ങള്‍ക്ക് 0507426801, 0509046275 എന്ന നമ്പറില്‍ ബന്ധപ്പെടാം. മാതാവ് സലീനയുടെ അക്കൗണ്ട് നമ്പര്‍: 57040180481 (എസ്.ബി.ഐ, ചാരുമ്മൂട് ശാഖ).