കുഞ്ഞിനെ കൊന്ന്​ പിതാവ്​ ആത്​മഹത്യ ചെയ്​ത സംഭവം: മൃതദേഹങ്ങൾ വെള്ളിയാഴ്​ച നാട്ടിലെത്തിക്കും

ജിദ്ദ: ഏഴ്​മാസം പ്രായമുള്ള കുഞ്ഞിനെ കൊലപ്പെടുത്തി പിതാവ്​ ആത്​മഹത്യ ചെയ്​ത സംഭവത്തിൽ രണ്ട്​ മൃതദേഹങ്ങളും വെള്ളിയാഴ്​ച ​ നാട്ടിലെത്തിക്കും. അടൂർ സ്വദേശി ശ്രീജിത്ത് (30), മകൻ ആദി (ഏഴ്​ മാസം) എന്നിവരുടെ മൃതദേഹങ്ങളാണ്​ ജിദ്ദയിൽ നിന്ന്​ ഗൾഫ്​ എയർ വിമാനത്തിൽ നെടുമ്പാ​േശ്ശരിയിലെത്തിക്കുക. ശ്രീജിത്തി​​​​െൻറ ഭാര്യ അനീഷ മ​ൃതദേഹങ്ങളെ അനുഗമിക്കുന്നുണ്ട്​.

ഡിസംബർ 14ന്​ സുലൈമാനിയയിലെ ഫ്ലാറ്റിലായിരുന്നു ദാരുണ സംഭവം. കുടുംബ വഴക്കിനെ തുടർന്ന്​ ശ്രീജിത്ത് കുഞ്ഞിനെ ഭിത്തിയിലടിച്ചു കൊലപ്പെടുത്തിയ ശേഷം ഫ്ലാറ്റിനുള്ളിൽ തൂങ്ങി മരിക്കുകയായിരുന്നു. ജിദ്ദ ജാമിഅയിലെ കിങ്​ അബ്​ദുൽ അസീസ് യൂണിവേഴ്​സിറ്റി ഹോസ്പിറ്റലിലെ നഴ്​സ്​ അനീഷയുടെ ഭർത്താവാണ്​ ശ്രീജിത്ത്​. വിസിറ്റിങ്​ വിസയിൽ ജിദ്ദയിൽ വന്നതായിരുന്നു.

ഇന്ത്യൻ കോൺസുലേറ്റിന്‍റെയും സാമൂഹിക പ്രവർത്തകരുടെയും പരിശ്രമത്തെ തുടർന്നാണ്​ സങ്കീർണമായ കേസിൽ മൃതദേഹം പരമാവധി വേഗം നാട്ടിലെത്തിക്കാൻ കഴിയുന്നത്​. ഒ.ഐ.സി.സി ജിദ്ദ കമ്മിറ്റി വെൽഫെയർ വിങ്ങിലെ നൗഷാദ് മമ്പാടിനെയാണ് സൗദിയിലെ നടപടിക്രമങ്ങൾ പൂർത്തിയാക്കാൻ ബന്ധുക്കൾ ചുമതലപ്പെടുത്തിയിരുന്നത്​. റീജ്യനൽ കമ്മിറ്റി പ്രസിഡന്‍റ് കെ.ടി.എ മുനീറും നിയമ നടപടികൾക്ക്​ സഹായിക്കാൻ രംഗത്തുണ്ടായിരുന്നു.