Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദിയിൽ​ കർഫ്യൂവിൽ...

സൗദിയിൽ​ കർഫ്യൂവിൽ ഇളവ്​; രാവിലെ ഒമ്പതിനും വൈകീട്ട്​ അഞ്ചിനും ഇടയിൽ പുറത്തിറങ്ങാം

text_fields
bookmark_border
സൗദിയിൽ​ കർഫ്യൂവിൽ ഇളവ്​; രാവിലെ ഒമ്പതിനും വൈകീട്ട്​ അഞ്ചിനും ഇടയിൽ പുറത്തിറങ്ങാം
cancel

റിയാദ്​: സൗദി അറേബ്യയിൽ 24 മണിക്കൂർ കർഫ്യൂവിൽ ഇളവ്​. റമദാൻ പ്രമാണിച്ച്​ സൽമാൻ രാജാവാണ്​ ഇളവ്​ പ്രഖ്യാപിച്ചത്​. മക്കയിലൊഴികെ ബാക്കി എല്ലായിടങ്ങളിലും രാവിലെ ഒമ്പതിനും വൈകീട്ട്​ അഞ്ചിനും ഇടയിൽ പുറത്തിറങ്ങാം. ഇൗ സമയം കർഫ് യൂ ആയിരിക്കില്ല. റമദാൻ 20 വരെ അതായത്​ മെയ്​ 13 വരെ മാത്രമാണ്​ ഇൗ ഇളവ്​.

അതേസമയം മക്കയിൽ 24 മണിക്കൂര്‍ കര്‍ഫ്യൂ തു ടരും. കോവിഡ്​ ഭീഷണി അവിടെ ഏറ്റവും ശക്തമായി നിൽക്കുന്നത്​ കൊണ്ടാണത്​. രാജാവി​​​െൻറ പുതിയ ഉത്തരവ് ഞായറാഴ്​ച മുതല്‍ പ്രാബല്യത്തിലായി. അതുപോലെ എപ്രില്‍ 29 മുതല്‍ വാണിജ്യ സ്ഥാപനങ്ങള്‍ക്ക് നിബന്ധനകളോടെ തുറക്കാനും അനുമതി നല്‍കിയിട്ടുണ്ട്. മാളുകള്‍, ചെറുകിട, ഹോള്‍സെയില്‍ സ്ഥാപനങ്ങൾ എന്നിവയ്​ക്ക്​ തുറന്ന് പ്രവര്‍ത്തിക്കാം.

ബാര്‍ബര്‍ ഷോപ്പുകള്‍, സലൂണുകള്‍, ജിം, പാര്‍ക്കുകള്‍, സിനിമ, എന്നിവക്ക് വിലക്ക് തുടരും. ഹോട്ടലുകളില്‍ നിന്നും ഭക്ഷ്യ സ്ഥാപനങ്ങളില്‍ നിന്നും പാര്‍സല്‍ മാത്രമേ ഇനിയും പാടുള്ളൂ. ഏപ്രില്‍ 29 മുതല്‍ കോണ്‍ട്രാക്ടിങ് കമ്പനികൾക്ക്​ മുഴുവൻ സമയവും പ്രവര്‍ത്തിക്കാം. അഞ്ചില്‍ കൂടുതല്‍ പേര്‍ ചേരുന്ന എല്ലാ പരിപാടികള്‍ക്കുമുള്ള നിരോധനം തുടരും. കോവിഡ് പ്രതിരോധ പ്രവര്‍ത്തനം ഉറപ്പു വരുത്തിയേ കടകള്‍ക്കും സ്ഥാപനങ്ങള്‍ക്കും പ്രവര്‍ത്തിക്കാനാകൂ. ലംഘിച്ചാല്‍ പിഴ ഈടാക്കി സ്ഥാപനം അടപ്പിക്കും. കർഫ്യൂവിൽ അയവുവരുത്തു​േമ്പാഴും ആരോഗ്യ മുൻകരുതൽ സ്വീകരിച്ചേ പുറത്തിറങ്ങാവൂ എന്ന്​ ആരോഗ്യ മന്ത്രാലയം മുന്നറിയിപ്പ്​ നൽകിയിട്ടുണ്ട്​.

Show Full Article
TAGS:covid 19 curfew gulf news saudi arabia malayalam news 
Next Story