ഫ്ര​ഞ്ച്, കാ​ന​ഡ ത​ല​വ​ന്മാ​രു​മാ​യി സം​സാ​രി​ച്ച്​ സൗ​ദി കി​രീ​ടാ​വ​കാ​ശി

യാം​ബു: ഗ​സ്സ​യി​ലെ ഇ​സ്രാ​യേ​ൽ ആ​ക്ര​മ​ണം രൂ​ക്ഷ​മാ​കു​ന്ന​തി​നി​ടെ സൗ​ദി കി​രീ​ടാ​വ​കാ​ശി മു​ഹ​മ്മ​ദ് ബി​ൻ സ​ൽ​മാ​ൻ ഫ്ര​ഞ്ച് പ്ര​സി​ഡ​ന്‍റ് ഇ​മ്മാ​നു​വ​ൽ മാ​ക്രോ​ണും ക​നേ​ഡി​യ​ൻ പ്ര​ധാ​ന​മ​ന്ത്രി ജ​സ്​​റ്റി​ൻ ട്രൂ​ഡോ​യു​മാ​യും ഫോ​ണി​ൽ ച​ർ​ച്ച ന​ട​ത്തി. ഇ​സ്രാ​യേ​ലും ഹ​മാ​സും ത​മ്മി​ലു​ള്ള സം​ഘ​ർ​ഷ​ത്തി​ൽ അ​ക്ര​മം വ്യാ​പി​ക്കു​ന്നി​ല്ലെ​ന്ന് ഉ​റ​പ്പാ​ക്കാ​നും സം​ഘ​ർ​ഷം കു​റ​ക്കാ​നും സാ​ധ്യ​മാ​യ എ​ല്ലാ ശ്ര​മ​ങ്ങ​ളും ന​ട​ത്തേ​ണ്ട​തി​​ന്‍റെ ആ​വ​ശ്യ​ക​ത കി​രീ​ടാ​വ​കാ​ശി ച​ർ​ച്ച​യി​ൽ ഊ​ന്നി​പ്പ​റ​ഞ്ഞു. മേ​ഖ​ല​യെ മു​ൾ​മു​ന​യി​ലാ​ക്കു​ന്ന ഗ​സ്സ യു​ദ്ധം വ്യാ​പി​ക്കു​ന്ന​ത് ത​ട​യാ​നും സ​മാ​ധാ​ന ദൗ​ത്യ​ങ്ങ​ളു​ടെ മാ​ർ​ഗ​ങ്ങ​ൾ ആ​രാ​ഞ്ഞു​മാ​യി​രു​ന്നു ഫോ​ണി​ലെ ആ​ശ​യ​വി​നി​മ​യം. സം​ഘ​ർ​ഷം ആ​രം​ഭി​ച്ച്​ ഏ​താ​നും നാ​ളു​ക​ൾ​ക്കു​ള്ളി​ൽ ഇ​ത്​ ര​ണ്ടാം ത​വ​ണ​യാ​ണ്​ കി​രീ​ടാ​വ​കാ​ശി മാ​ക്രോ​ണു​മാ​യി സം​സാ​രി​ക്കു​ന്ന​ത്.

സാ​ധാ​ര​ണ​ക്കാ​ർ​ക്കെ​തി​രെ​യു​ള്ള ആ​ക്ര​മ​ണം അ​വ​സാ​നി​പ്പി​ക്കു​ക, സ​ഹാ​യ​മെ​ത്തി​ക്കാ​ൻ മാ​നു​ഷി​ക ഇ​ട​നാ​ഴി തു​റ​ക്കു​ക, ഗ​സ്സ​യി​ൽ​നി​ന്നു​ള്ള നി​ർ​ബ​ന്ധി​ത കു​ടി​യൊ​ഴി​പ്പി​ക്ക​ൽ ശ്ര​മം ത​ട​യു​ക, ഫ​ല​സ്തീ​നി​ക​ൾ​ക്ക് നീ​തി ഉ​റ​പ്പാ​ക്കു​ക എ​ന്നീ ആ​വ​ശ്യ​ങ്ങ​ൾ​ക്കാ​യി ഇ​തി​ന​കം വി​വി​ധ രാ​ഷ്‌​ട്ര​ങ്ങ​ളു​ടെ ത​ല​വ​ന്മാ​രു​മാ​യി നി​ര​വ​ധി ത​വ​ണ കി​രീ​ടാ​വ​കാ​ശി ഫോ​ൺ സം​ഭാ​ഷ​ണ​വും നേ​രി​ട്ടു​ള്ള കൂ​ടി​ക്കാ​ഴ്ച​ക​ളും ന​ട​ത്തി​യി​രു​ന്നു. സി​വി​ലി​യ​ന്മാ​രെ ല​ക്ഷ്യ​മി​ട്ട് ഇ​സ്രാ​യേ​ൽ ന​ട​ത്തു​ന്ന ഏ​തെ​ങ്കി​ലും വി​ധ​ത്തി​ലു​ള്ള ആ​ക്ര​മ​ണം സൗ​ദി നി​ര​സി​ക്കു​ന്ന​താ​യും കി​രീ​ടാ​വ​കാ​ശി പ​റ​ഞ്ഞു. ഗ​സ്സ മേ​ഖ​ല​യി​ലെ സം​ഘ​ർ​ഷ​ത്തി​ൽ സൗ​ദി​യു​ടെ നി​ല​പാ​ട് വ്യ​ക്ത​മാ​ക്കി​യ കി​രീ​ടാ​വ​കാ​ശി അ​ന്താ​രാ​ഷ്​​ട്ര സ​മൂ​ഹ​ത്തി​​ന്‍റെ അ​ടി​യ​ന്ത​ര ഇ​ട​പെ​ട​ലു​ക​ൾ ഫ​ല​പ്ര​ദ​മാ​യി ഉ​ണ്ടാ​വേ​ണ്ട​തി​​ന്‍റെ അ​നി​വാ​ര്യ​ത​യും വ്യ​ക്ത​മാ​ക്കി.