കോവിഡ്​: സൗദിയിൽ 59 പേർക്ക്​ ഗുരുതരം

റിയാദ്: സൗദി അറേബ്യയിൽ കോവിഡ്​ ബാധിച്ച്​ ചികിത്സയിൽ കഴിയുന്നവരിൽ 59 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ നില തൃപ്​തികരമാണ്​. അതെസമയം രണ്ടുപേർ കൂടി രാജ്യത്ത്​ മരിച്ചു. 45 പേർക്ക്​ പുതുതായി കോവിഡ് സ്ഥിരീകരിച്ചു.

48 പേർ സുഖം പ്രാപിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,48,711 ഉം രോഗമുക്തരുടെ എണ്ണം 5,37,653 ഉം ആയി. ആകെ മരണസംഖ്യ 8,798 ആയി ഉയർന്നു. ​രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. സൗദി അറേബ്യയിൽ ഇതുവരെ 46,068,736 ഡോസ് കോവിഡ്​ വാക്​സിൻ വിതരണം ചെയ്​തു.