സൗദിയിൽ രോഗികളുടെ എണ്ണം ഉയരുന്നു; മരണസംഖ്യയും
text_fieldsറിയാദ്: സൗദി അറേബ്യയിൽ കോവിഡ് ബാധിച്ചുള്ള മരണസംഖ്യയും രോഗികളുടെ എണ്ണവും വർധിക്കുന്നു. വ്യാഴാഴ്ച 32 പേരാണ് മരിച്ചത്. ഇതോടെ ആകെ മരണസംഖ്യ 611 ആയി. പുതുതായി 1975 പേരുടെ പരിശോധന ഫലമാണ് പോസിറ്റീവായത്. ആകെ കോവിഡ് ബാധിതരുടെ എണ്ണം 93157 ആയി ഉയരുകയും ചെയ്തു.
അതേസമയം സുഖംപ്രാപിക്കുന്നവരുടെ എണ്ണം കുറഞ്ഞത് ആശങ്കയ്ക്കിടയാക്കുകയും ചെയ്യുന്നു. വ്യാഴാഴ്ച 806 പേർ മാത്രമാണ് സുഖം പ്രാപിച്ചത്. അതുമൂലം ചികിത്സയിൽ കഴിയുന്നവരുടെ എണ്ണവും ഉയർന്നു. 23581 പേരാണ് രാജ്യത്തെ വിവിധ ആശുപത്രികളിൽ ചികിത്സയിലുള്ളത്. ആകെ രോഗമുക്തരുടെ എണ്ണം 68965 ആണ്.
ലോക് ഡൗൺ ഇളവുകൾ വന്നപ്പോൾ ആരോഗ്യ മുൻകരുതൽ നിർദേശങ്ങളൊന്നും പാലിക്കാതെ പൊതുവിടങ്ങളിലിറങ്ങിയ ആളുകളുടെ നിരുത്തരവാദപരമായ പെരുമാറ്റമാണ് രോഗവ്യാപനം വീണ്ടും ശക്തിപ്പെടാൻ കാരണമെന്നാണ് വിലയിരുത്തൽ. ഇത് മനസിലാക്കിയാണ് മുൻകരുതൽ നിർദേശങ്ങൾ ലംഘിക്കുന്നവർക്ക് സാമ്പത്തിക പിഴയും നാടുകടത്തലും ഉൾപ്പെടെയുള്ള ശിക്ഷകൾ നൽകുമെന്ന് ആഭ്യന്തര മന്ത്രാലയം പ്രഖ്യാപിച്ചത്. ആളുകളുടെ പെരുമാറ്റം ഇങ്ങനെ തുടർന്നാൽ ലോക് ഡൗൺ തിരികെ കൊണ്ടുവരുന്നതിനെ കുറിച്ച് ആലോചിക്കേണ്ടിവരും എന്ന് ആരോഗ്യ മന്ത്രി പറഞ്ഞിട്ടുണ്ട്.
മക്ക -9, ജിദ്ദ -13, റിയാദ് -3, മദീന -2, ദമ്മാം -2, ത്വാഇഫ് -1, ബുറൈദ -1 എന്നിങ്ങനെയാണ് വ്യാഴാഴ്ച മരണം റിപ്പോർട്ട് ചെയ്തത്. 24 മണിക്കൂറിനിടെ 16246 േകാവിഡ് പരിശോധനകൾ നടന്നു. ഇേതാടെ രാജ്യത്ത് ഇതുവരെ നടന്ന പരിശോധനകളുടെ എണ്ണം 8,87,209 ആയി. ബുധനാഴ്ച ഒമ്പത് പേർ മരിച്ചതിനാൽ മക്കയിൽ ആകെ മരണസംഖ്യ 248 ഉം 13 പേർ മരിച്ചതിനാൽ ജിദ്ദയിൽ 200 ഉം ആയി. കോവിഡ് വ്യാപനം സംഭവിച്ച രാജ്യത്തെ ചെറുതും വലുതുമായ പട്ടണങ്ങളുടെ എണ്ണം 171 ആണ്.
പുതിയ രോഗികൾ:
റിയാദ് -675, മക്ക -286, ജിദ്ദ -259, മദീന -124, ഹുഫൂഫ് -112, ദമ്മാം -53, ഖത്വീഫ് -49, ത്വാഇഫ് -42, തബൂക്ക് -36, ജുബൈൽ -31, അൽഖോബാർ -26, ബേഷ് -21, അൽമുബറസ് -17, ഹാഇൽ -17, ഖമീസ് മുശൈത് -15, ഖുലൈസ് -15, യാംബു -14, അൽഖർജ് -12, അബഹ -11, നജ്റാൻ -10, റൂമ -9, ഹുറൈംല -8, ദഹ്റാൻ -7, അൽജഫർ -6, ബുറൈദ -6, മജ്മഅ -6, അബ്ഖൈഖ് -5, ശറൂറ -5, അഫീഫ് -5, അൽമജാരിദ -4, സബ്യ -4, ദറഇയ -4, സുലൈൽ -4, സാജർ -4, താദിഖ് -4, അൽഅയൂൻ -3, അഖീഖ് -3, അഹദ് റുഫൈദ -3, റാസതനൂറ -3, സഫ്വ -3, ജീസാൻ -3, അൽഖുവയ്യ -3, ദുർമ -3, ഹുത്ത ബനീ തമീം -3, ഖിൽവ -2, മഹായിൽ -2, ബേഷ് -2, ബഖഅ -2, ലൈല -2, ദവാദ്മി -2, സുൽഫി -2, ഹുത്ത സുദൈർ -2, റഫാഇ അൽജംഷ് -2, ശഖ്റ -2, അൽമൻദഖ് -1, അൽഗാര -1, ബൽജുറഷി -1, സകാക -1, അലൈസ് -1, അൽഉല -1, അൽഖൂസ് -1, മുസൈലിഫ് -1, നാരിയ -1, ഹഫർ അൽബാത്വിൻ -1, അദ്ദർബ് -1, അൽദായർ -1, സാംത -1, അല്ലൈത് -1, അൽകാമിൽ -1, യാദമഅ -1, അൽദിലം -1, ഹരീഖ് -1, അൽഖസ്റ -1, റുവൈദ -1, വാദി അൽദവാസിർ -1, ദുബ -1.
മരണസംഖ്യ:
മക്ക -248, ജിദ്ദ -200, മദീന -56, റിയാദ് -42, ദമ്മാം -21, ഹുഫൂഫ് -6, ത്വാഇഫ് -6, തബൂക്ക് -5, ബുറൈദ -5, അൽഖോബാർ -4, ജുബൈൽ -3, ബീഷ -3, ജീസാൻ -1, ഖത്വീഫ് -1, ഖമീസ് മുശൈത്ത് -1, അൽബദാഇ -1, വാദി ദവാസിർ -1, യാംബു -1, റഫ്ഹ -1, അൽഖർജ് -1, നാരിയ -1, ഹാഇൽ -1, ഖുൻഫുദ -1.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.