സൗദിയിൽ 224 പേർക്ക് കൂടി കോവിഡ്
text_fields
റിയാദ്: സൗദി അറേബ്യയിൽ ഞായറാഴ്ച 224 പേർക്ക് കോവിഡ് സ്ഥിരീകരിച്ചു. രാജ്യത്ത് വിവിധ ഭാഗങ്ങളിലായി 19 മരണങ്ങൾ റിപ്പോർട്ട് ചെയ്തു. 489 പേർ കോവിഡ് മുക്തി നേടി. ആകെ കോവിഡ് കേസുകളുടെ എണ്ണം 355258 ആയി. രോഗമുക്തരുടെ ആകെ എണ്ണം 343371 ആയി ഉയർന്നു. ആകെ മരണസംഖ്യ 5780 ആണ്.
രോഗബാധിതരായി രാജ്യത്തെ വിവിധ ആശുപത്രികളിലും വീടുകളിലും ക്വാറൻറീനിൽ കഴിയുന്നവരുെട എണ്ണം 6107 ആയി കുറഞ്ഞു. ഇതിൽ 785 പേർ മാത്രമാണ് ഗുരുതരാവസ്ഥയിലുള്ളത്. ഇവർ തീവ്രപരിചരണ വിഭാഗത്തിലാണ്.
രാജ്യത്തെ കോവിഡ് മുക്തി നിരക്ക് 96.6 ശതമാനമാണ്. മരണനിരക്ക് 1.6 ശതമാനമായി തുടരുന്നു. 24 മണിക്കൂറിനിടെ രാജ്യത്ത് പുതിയ കോവിഡ് കേസുകൾ ഏറ്റവും കൂടുതൽ റിപ്പോർട്ട് ചെയ്തത് റിയാദിലാണ്, 51. യാംബു 21, മക്ക 19, മദീന 17, ബുറൈദ 9, ഉനൈസ 8, ജിദ്ദ 8, അൽഖർജ് 7, ഖുറയാത് അൽഉൗല 6, നജ്റാൻ 6, യദമഅ 5, ദമ്മാം 4, ദിലം 4, മജ്മഅ 4 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
