സൗദിയിൽ ഇന്ന്​ 286 പേർക്ക്​ കോവിഡ്​

റിയാദ്​: സൗദി അറേബ്യയിൽ വെള്ളിയാഴ്​ച 286 പേർക്ക്​ കോവിഡ്​ സ്ഥിരീകരിച്ചു. രാജ്യത്ത്​ വിവിധ ഭാഗങ്ങളിലായി 16 പേർ കോവിഡ്​ മൂലം മരിച്ചു. 448 പേർക്ക്​ രോഗമുക്തിയുണ്ടായി. ആകെ കോവിഡ്​ കേസുകളുടെ എണ്ണം 354813 ആയി. രോഗമുക്തരുടെ ആകെ എണ്ണം 342404 ആയി ഉയർന്നു. ആകെ മരണസംഖ്യ 5745 ആണ്​.

രോഗബാധിതരായി രാജ്യത്തെ വിവിധ ആശുപത്രികളിലും വീടുകളിലും ക്വാറൻറീനിൽ കഴിയുന്നവരു​െട എണ്ണം 6664 ആയി കുറഞ്ഞു​. ഇതിൽ 793 പേർ മാ​ത്രമാണ്​ ഗുരുതരാവസ്ഥയിലുള്ളത്​. ഇവർ തീവ്രപരിചരണ വിഭാഗത്തിലാണ്​. രാജ്യത്തെ കോവിഡ്​ മുക്തി നിരക്ക്​ 96.6 ശതമാനമാണ്​. മരണനിരക്ക്​ 1.6 ശതമാനമായി തുടരുന്നു.

24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ റിയാദിലാണ്, 76. ഹാഇൽ​ 30, മദീന​ 28, ദമ്മാം 15, ത്വാഇഫ്​​ 11, ജിദ്ദ​​​​ 11, ജിദ്ദ​ 11, ബുറൈദ​​ 7, ഉനൈസ​​ 6, മക്ക​ 6, യദമഅ​​ 6, അഖീഖ്​​​​​ 5, ഖുൻഫുദ 5, തബൂക്ക്​​ 5, യാംബു 4 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.