സൗദിയിൽ ​േകാവിഡ്​ രോഗികളുടെ എണ്ണം കുറഞ്ഞു

റിയാദ്​: സൗദി അറേബ്യയിൽ കോവിഡ്​ ബാധിതരായി നിലവിൽ ചികിത്സയിലുള്ളവരുടെ എണ്ണം 6842 ആയി കുറഞ്ഞു. ഇതിൽ 796 പേർ മാ​ത്രമാണ്​ ഗുരുതരാവസ്ഥയിലുള്ളത്​. ഇവർ തീവ്രപരിചരണ വിഭാഗത്തിലാണ്​. 319 പേർക്ക്​ ​വ്യാഴാഴ്​ച പുതുതായി രോഗം സ്ഥിരീകരിച്ചു. 19 പേർ കോവിഡ്​ മൂലം മരിച്ചു. 441 പേർക്ക്​ രോഗമുക്തിയുണ്ടായി. ആകെ കോവിഡ്​ കേസുകളുടെ എണ്ണം 354527 ആയി.

രോഗമുക്തരുടെ ആകെ എണ്ണം 341956 ആയി ഉയർന്നു. ആകെ മരണസംഖ്യ 5729 ആണ്​. രാജ്യത്തെ കോവിഡ്​ മുക്തി നിരക്ക്​ 96.5 ശതമാനമാണ്​. മരണനിരക്ക്​ 1.6 ശതമാനമായി തുടരുന്നു.

24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ റിയാദിലാണ്, 50. മക്ക​ 29, മദീന​ 24, ജിദ്ദ 20, ദമ്മാം​ 13, ഹാഇൽ​​​​ 13, ഖുറയാത്​ അൽഉൗല​ 9, വാദി ദവാസിർ​​ 9, യാംബു​​ 8, അബഹ​ 8, ജുബൈൽ​​ 8, അൽഅയ്​സ്​​​​ 7, ബുറൈദ 7, ഖമീസ്​ മുശൈത്​ 7 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.