സൗദിയിൽ കോവിഡ് വ്യാപനം​ ഏഴുമാസത്തെ ഏറ്റവും കുറഞ്ഞ നിരക്കിൽ

റിയാദ്​: സൗദി അറേബ്യയിൽ പുതിയ കോവിഡ്​ കേസുകളുടെ പ്രതിദിന കണക്കിൽ​ ഏഴുമാസത്തെ ഏറ്റവും കുറഞ്ഞ നിരക്കാണ്​ ബുധനാ​ഴ്​ച രേഖപ്പെടുത്തിയത്​. 290 പേർക്കാണ്​ പുതുതായി രോഗം സ്ഥിരീകരിച്ചത്​. രാജ്യത്തെ വിവിധ ഭാഗങ്ങളിലായി 18 പേർ മരിച്ചു. 411 പേർക്ക്​ രോഗമുക്തിയുണ്ടായി. ആകെ കോവിഡ്​ കേസുകളുടെ എണ്ണം 354208 ആയി. രോഗമുക്തരുടെ ആകെ എണ്ണം 341515 ആയി ഉയർന്നു. ആകെ മരണസംഖ്യ 5710 ആണ്​.

6983 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ തുടരുന്നു. ഇതിൽ 808 പേർ ഗുരുതരസ്ഥിതിയിലാണ്​​​. ഇവർ തീവ്രപരിചരണ വിഭാഗത്തിലാണ്​. രാജ്യത്തെ കോവിഡ്​ മുക്തി നിരക്ക്​ 96.5 ശതമാനമാണ്​. മരണനിരക്ക്​ 1.6 ശതമാനമായി തുടരുന്നു.

24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ റിയാദിലാണ്, 63. മദീന​ 29, ഹാഇൽ​ 24, ജിദ്ദ 13, മക്ക​ 12, ബുറൈദ​​​​ 11, ബൽജുറഷി​ 10, അൽഅയ്​സ്​​ 7, ഉനൈസ​​ 7, നജ്​റാൻ​ 6, വാദി ദവാസിർ​​​ 6, ഹുഫൂഫ്​​​ 5, അൽഅസ്​യാഹ്​ 5, ഖമീസ്​ മുശൈത്​​​​​ 5, എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.