കോവിഡ്​: സൗദിയിൽ ഇന്ന്​ 19 മരണവും 301 പുതിയ കേസുകളും

റിയാദ്​: സൗദി അറേബ്യയിൽ തിങ്കളാഴ്​ച കോവിഡ്​ ബാധിച്ച്​ 19 പേർ മരിച്ചു. 301 പേർക്ക്​ കോവിഡ്​ സ്ഥിരീകരിച്ചു. നേരത്തെ കോവിഡ്​ സ്​ഥിരീകരിച്ച 364 പേർ സുഖം പ്രാപിച്ചു. ആകെ കോവിഡ്​ കേസുകളുടെ എണ്ണം 353556 ആയി.

രോഗമുക്തരുടെ ആകെ എണ്ണം 340668 ആയി ഉയർന്നു. ആകെ മരണസംഖ്യ 5676 ആണ്​. 7212 പേർ രാജ്യത്തെ വിവിധ ആശുപത്രികളിലും മറ്റുമായി ചികിത്സയിൽ തുടരുന്നു. ഇതിൽ 823 പേർ ഗുരുതരസ്ഥിതിയിലാണ്​​​. ഇവർ തീവ്രപരിചരണ വിഭാഗത്തിലാണ്​.

രാജ്യത്തെ കോവിഡ്​ മുക്തി നിരക്ക്​ 96.5 ശതമാനമായി ഉയർന്നു. മരണനിരക്ക്​ 1.6 ശതമാനമായി തുടരുന്നു. 24 മണിക്കൂറിനിടെ രാജ്യത്ത്​ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ റിയാദിലാണ്, 42. ഹാഇൽ 31, യാംബു​ 23, മക്ക 23, മദീന 15, ഖമീസ്​ മുശൈത്​​​ 15, ജിദ്ദ​​​ 12, മഖ്​വ​ 8, ഹുഫൂഫ്​ 7, അഖീഖ്​​ 7, ബുറൈദ​​​ 7, റിയാദ്​ അൽഖബ്​റ 5, ദമ്മാം​​​​ 5, അൽഖോബാർ​ 5 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.