കോവിഡ്​: സൗദിയിൽ പ്രതിദിന മരണസംഖ്യ കുറഞ്ഞു

റിയാദ്​: സൗദി അറേബ്യയിൽ കോവിഡ് മുക്തിയേക്കാൾ അൽപം ഉയർന്ന്​ പുതിയതായി രോഗം ബാധിക്കുന്ന കേസുകൾ. എന്നാൽ പ്രതിദിന മരണസംഖ്യ കുറഞ്ഞു. ചൊവ്വാഴ്​ച എട്ട്​ പേർ മാത്രമാണ്​ രാജ്യത്തെ വിവിധ ഭാഗങ്ങളിലായി മരിച്ചത്​. 181പേർക്ക്​ പുതുതായി കോവിഡ്​ സ്ഥിരീകരിച്ചപ്പോൾ 160 പേരാണ്​ സുഖം പ്രാപിച്ചത്​​. ഇതോടെ രാജ്യത്ത്​ റിപ്പോർട്ട്​ ചെയ്​ത കോവിഡ്​ കേസുകളുടെ ആകെ എണ്ണം 361359 ഉം രോഗമുക്തരുടെ എണ്ണം 352249 ഉം ആയി.

മരണസംഖ്യ 6139 ആയി ഉയർന്നു. അസുഖ ബാധിതരായി രാജ്യത്ത്​ ബാക്കിയുള്ളത്​ 2971 പേരാണ്​. ഇതിൽ 404 പേർ മാത്രമാണ്​ ഗുരുതരാവസ്ഥയിലുള്ളത്​. ഇവർ രാജ്യത്തെ വിവിധ ആശുപത്രികളിലെ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ ആരോഗ്യ സ്ഥിതി തൃപ്​തികരമാണ്​.

രാജ്യത്തെ കോവിഡ്​ മുക്തി നിരക്ക്​ 97.6 ശതമാനവും മരണനിരക്ക്​ 1.7 ശതമാനവുമായി തുടരുന്നു​. 24 മണിക്കൂറിനിടെ വിവിധ മേഖലകളിൽ റിപ്പോർട്ട്​ ചെയ്​ത പുതിയ കോവിഡ്​ കേസുകൾ: റിയാദ്​ 64, മക്ക​ 36, കിഴക്കൻ പ്രവിശ്യ 31, മദീന 12, ഖസീം 11, അസീർ 6, വടക്കൻ മേഖല 5, നജ്​റാൻ 3, തബൂക്ക്​ 3, അൽജൗഫ്​ 3, ഹാഇൽ 3, ജീസാൻ 2, അൽബാഹ 2.