സൗദിയിൽ കോവിഡ്​ ബാധിച്ചുള്ള പ്രതിദിന മരണസംഖ്യ കുറയുന്നു; ഇന്ന്​ രണ്ട്​ മരണം

റിയാദ്: സൗദി അറേബ്യയിൽ കോവിഡ്​ ബാധിച്ചുള്ള പ്രതിദിന മരണസംഖ്യ വീണ്ടും കുറഞ്ഞു.​ 24 മണിക്കൂറിനിടെ രാജ്യത്താകെ രണ്ട്​​ മരണമാണ്​ റിപ്പോർട്ട്​ ചെയ്​തത്​.

പുതുതായി 41 പേർക്ക്​ കോവിഡ് സ്ഥിരീകരിച്ച​പ്പോൾ 49 പേർ സുഖം പ്രാപിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,47,262 ഉം രോഗമുക്തരുടെ എണ്ണം 5,36,330 ഉം ആയി. ആകെ മരണസംഖ്യ 8,724 ആയി ഉയർന്നു.

രോഗബാധിതരിൽ 181 പേരുടെ നില ഗുരുതരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 11, ജിദ്ദ 10, മദീന 3, ഖോബാർ 3, മറ്റ്​ 14 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 42,346,471 ഡോസ് കോവിഡ്​ വാക്​സിൻ വിതരണം ചെയ്​തു.