കോവിഡ്; സൗദിയിൽ മരിച്ചവരുടെ എണ്ണം 8000 കവിഞ്ഞു

ജിദ്ദ: സൗദിയിൽ ഇതുവരെ കോവിഡ് ബാധിച്ച് മരിച്ചവരുടെ ആകെ എണ്ണം 8,000 കവിഞ്ഞു. രോഗബാധിതരിൽ ഇന്ന് 14 പേർ കൂടി മരിച്ചു. ഇതോടെ ആകെ മരിച്ചവരുടെ എണ്ണം 8,006 ആയി. രാജ്യത്താകെ ഇന്ന് 1,295 പുതിയ രോഗികളും 946 രോഗമുക്തിയും റിപ്പോർട്ട് ചെയ്തു. ഇതോടെ കോവിഡ് രോഗികളുടെ ആകെ എണ്ണം 5,03,734 ഉം ആകെ രോഗമുക്തരുടെ എണ്ണം 4,84,883 ഉം ആയി.

വിവിധ ആശുപത്രികളിലും മറ്റുമായി 10,845 കോവിഡ് രോഗികൾ ചികിത്സയിലുണ്ട്. ഇവരിൽ 1,426 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യസ്ഥിതി തൃപ്തികരമാണ്. രാജ്യത്തെ കോവിഡ് മുക്തി നിരക്ക് 96.25 ശതമാനവും മരണനിരക്ക് 1.58 ശതമാനവുമാണ്.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 327, മക്ക 283, കിഴക്കൻ പ്രവിശ്യ 189, അസീർ 135, ജീസാൻ 92, അൽ ഖസീം 55, ഹായിൽ 49, മദീന 45, നജ്റാൻ 39, അൽബാഹ 26, തബൂക്ക് 24, വടക്കൻ അതിർത്തി മേഖല 23, അൽ ജൗഫ് 8.

ഇതുവരെ രാജ്യത്ത് 2,02,70,491 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.