സൗദിയിൽ കോവിഡ് ചികിത്സയിലുള്ള രോഗികളുടെ എണ്ണം 10,000 കടന്നു
text_fields
file photo
ജിദ്ദ: സൗദിയിൽ നിലവിൽ വിവിധ ആശുപത്രികളിലും മറ്റുമായി ചികിത്സയിലുള്ള കോവിഡ് രോഗികളുടെ എണ്ണം 10,000 കടന്നു. ഇന്ന് 1,320 പുതിയ രോഗികളും 873 രോഗമുക്തിയും റിപ്പോർട്ട് ചെയ്തു. ഇതോടെ രാജ്യത്ത് ആകെ റിപ്പോർട്ട് ചെയ്ത കേസുകളുടെ എണ്ണം 4,44,780 ഉം ആകെ രോഗമുക്തരുടെ എണ്ണം 4,27,462 ഉം ആയി.
പുതുതായി 17 മരണങ്ങളും റിപ്പോർട്ട് ചെയ്തു. ഇതുവരെ ആകെ മരിച്ചവരുടെ എണ്ണം 7,295 ആയി. ചികിത്സയിലുള്ളവരിൽ 1,348 പേരുടെ നില ഗുരുതരമാണ്. ചികിത്സയിൽ കഴിയുന്ന ബാക്കിയുള്ളവരുടെ ആരോഗ്യനില തൃപ്തികരമാണ്.
രാജ്യത്തെ കോവിഡ് മുക്തി നിരക്ക് 96.29 ശതമാനവും മരണനിരക്ക് 1.64 ശതമാനവുമാണ്. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: മക്ക 404, റിയാദ് 343, കിഴക്കൻ പ്രവിശ്യ 164, മദീന 120, ജീസാൻ 60, അൽ ഖസീം 52, അസീർ 50, തബൂക്ക് 35, ഹാഇൽ 32, നജ്റാൻ 32, അൽബാഹ 15, വടക്കൻ തിർത്തി മേഖല 8, അൽ ജൗഫ് 5.