സൗദിയിൽ കോവിഡ്​ വ്യാപനം കുറഞ്ഞു

റിയാദ്​: ഏപ്രിലിന്​ ശേഷം സൗദി അറേബ്യയിൽ ഏറ്റവും കുറഞ്ഞ നിലയിലായി കോവിഡ്​ വ്യാപനം. ഞായറാഴ്​ച 187 പേർക്ക്​ മാത്രമാണ്​ പുതുതായി കോവിഡ്​ സ്ഥിരീകരിച്ചത്​. രാജ്യത്ത്​ വിവിധയിടങ്ങളിലായി 11 മരണങ്ങൾ റിപ്പോർട്ട്​ ചെയ്​തു​. 317 പേർ കോവിഡ്​ മുക്തരായി. ആകെ കോവിഡ്​ കേസുകളുടെ എണ്ണം 358713 ആയി. രോഗമുക്തരുടെ ആകെ എണ്ണം 348879 ആയി ഉയർന്നു. ആകെ മരണസംഖ്യ 5965 ആണ്​.

അസുഖ ബാധിതരായി രാജ്യത്ത്​ അവശേഷിക്കുന്നവരുടെ എണ്ണം 3869 ആയി കുറഞ്ഞു. ഇതിൽ 600 പേർ മാത്രമാണ്​ ഗുരുതരനിലയിലുള്ളത്​. ഇവർ തീവ്രപരിചരണ വിഭാഗത്തിലാണ്​. രാജ്യത്തെ കോവിഡ്​ മുക്തി നിരക്ക്​ 97.2 ശതമാനമായും മരണനിരക്ക്​ 1.7 ശതമാനമായും തുടരുന്നു. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട്​ ചെയ്​ത പുതിയ കോവിഡ്​ കേസുകൾ: റിയാദ്​ 52, മക്ക 38, മദീന 33, കിഴക്കൻ പ്രവിശ്യ 25, ഖസീം 13, അസീർ 9, നജ്​റാൻ​ 4, തബൂക്ക്​ 4, ജീസാൻ 3, അൽജൗഫ്​​ 2, വടക്കൻ അതിർത്തി മേഖല​ 2, ഹാഇൽ 1, അൽബാഹ 1.