സൗദിയിൽ പുതുതായി 67 പേർക്ക്​ കോവിഡ്​

റിയാദ്​: സൗദി അറേബ്യയിൽ പുതുതായി 67 പേർക്ക്​ കോവിഡ്​ സ്ഥിരീകരിച്ചു. ബുധനാഴ്​ചയിലെ കണക്കാണ്​ ആരോഗ്യ മന്ത്രാല യം പുറത്തുവിട്ടത്​. ഇതോടെ രാജ്യത്തെ ആകെ രോഗികളുടെ എണ്ണം 238 ആയി. പുതുതായി അസുഖം സ്ഥിരീകരിച്ചവരില്‍ 45 പേര്‍ക്ക് വൈറസ്​ ബാധയുണ്ടായത്​ ഒരാളില്‍ നിന്നാണ്.

പുതുതായി അസുഖം സ്ഥിരീകരിച്ചവരുടെ കണക്കുകള്‍ ഇപ്രകാരമാണ്. റിയാദില്‍ 19, കിഴക്കന്‍ പ്രവിശ്യയില്‍ 23, ജിദ്ദയില്‍ 13, മക്കയില്‍ 11, അസീറില്‍ ഒന്ന്. ദക്ഷിണ സൗദിയിലെ അസീർ മേഖലയിൽ ഇതാദ്യമായാണ്​ കോവിഡ്​ ബാധ സ്ഥിരീകരിക്കുന്നത്