Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightകുറ്റം ചെയ്​ത്​ 40...

കുറ്റം ചെയ്​ത്​ 40 ദിവസത്തിനകം ശിക്ഷ; മലയാളിയെ വെടിവെച്ച സൗദി പൗരന്​ തടവും പിഴയും

text_fields
bookmark_border
കുറ്റം ചെയ്​ത്​ 40 ദിവസത്തിനകം ശിക്ഷ; മലയാളിയെ വെടിവെച്ച സൗദി പൗരന്​ തടവും പിഴയും
cancel
camera_altവെടിയേറ്റ മുഹമ്മദ്​

റിയാദ്​: സൗദിയിൽ പെ​ട്രോൾ പമ്പ്​ ജീവനക്കാരനായ മലയാളി യുവാവിനെ വെടിവെച്ച കേസിൽ പ്രതിക്ക്​​​ സൗദി കോടതി ഏഴു വർഷം തടവും പിഴയും ശിക്ഷിച്ചു. കൊല്ലം കുളപ്പാടം കളീക്കൽ മേലതിൽ ജിലാനി മൻസിലിൽ ജമാലുദ്ദീ​െൻറയും പരേതയായ ലൈലാബീവിയുടെയും മകൻ മുഹമ്മദിനെ (27) വെടിവെച്ച സൗദി പൗരനാണ്​ പ്രത്യേക കോടതി ശിക്ഷ വിധിച്ചത്​.

​ആഗസ്​റ്റ്​ 12ന് പുലർച്ചെ​ ആറോടെ റിയാദ്​ പ്രവിശ്യയിലെ വാദി ദവാസിറിലെ ഒരു പെട്രോൾ പമ്പിലായിരുന്നു സംഭവം. 30 വയസ്​ പ്രായമുള്ളയാളാണ്​ പ്രതി. ഈ മസം എട്ടിന്​​ ഇയാളെ പൊലീസ്​ പിടികൂടിയിരുന്നു. വളരെ വേഗം വിചാരണ പൂർത്തിയാക്കിയാണ്​ കോടതി ശിക്ഷ വിധിച്ചത്​. കാറിൽ ഫുൾ ടാങ്ക് പെട്രോൾ അടിച്ച പ്രതി പണം നൽകാതെ പോകാനൊരുങ്ങിയ മുഹമ്മദ്​ അത്​ ചോദ്യം ചെയ്തു. പണം ആവശ്യപ്പെട്ട്​ അടുത്തേക്ക് ചെന്ന മുഹമ്മദിനെ തള്ളി താഴെയിട്ടശേഷം കൈയിലുണ്ടായിരുന്ന പണം അപഹരിക്കുകയും ചെയ്​തു. കാർ മുന്നോട്ടെടുത്ത് പോയ ശേഷം തിരിച്ചു വന്ന് വെടിയുതിർക്കുകയായിരുന്നു.

വെടിയേറ്റ് കാൽ മണിക്കൂറിലധികം അവിടെ കിടന്ന മുഹമ്മദിനെ കുളപ്പാടം സ്വദേശിയായ സിറാജുദീൻ സഖാഫിയും മറ്റ്​ മലയാളികളും ചേർന്ന് അടുത്തുള്ള ആശുപത്രിയിൽ പ്രവേശിപ്പിച്ചു. ശസ്ത്രക്രിയ ആവശ്യമായതിനാൽ അവിടെയുള്ള പട്ടാള ക്യാമ്പിലെ ആശുപത്രിയിൽ പ്രവേശിപ്പിക്കുകയായിരുന്നു. പമ്പിനടുത്തുള്ള ലോഡ്ജിലെ ജീവനക്കാരനായ മുഹമ്മദ് പമ്പിൽ താൽക്കാലിക ജോലിക്കായി കയറിയതായിരുന്നു.

മാതാവ് മരിച്ചതിനെ തുടർന്ന് കുട്ടിക്കാലം മുതൽ മാതൃസഹോദരൻ നിസാമുദ്ദീ​െൻറ സംരക്ഷണയിലാണ് കഴിഞ്ഞു വന്നത്. അഞ്ചു വർഷമായി സൗദിയിലുള്ള മുഹമ്മദ് ഒരു തവണ നാട്ടിൽ പോയിരുന്നു.

സംഭവത്തിൽ ഇന്ത്യൻ എംബസിയുടെ ഇടപെടൽ ആവശ്യപ്പെട്ട്​ പൊതുപ്രവർത്തകനും ഐ.എൻ.ടി.യു.സി കൊല്ലം ജില്ല സെക്രട്ടറിയുമായ അയത്തിൽ നിസാമിെൻറ സഹായത്തോടെ ബന്ധുക്കൾ എൻ.കെ. പ്രേമചന്ദ്രൻ എം.പി.ക്ക്​ കഴിഞ്ഞ മാസം 18 ന് നിവേദനം നൽകിയിരുന്നു. ശസ്ത്രക്രിയക്ക് ശേഷം മുഹമ്മദ്​ സിറാജുദ്ദീൻ സഖാഫിയൊടൊപ്പമാണ്​ വാദി ദവാസിറിൽ കഴിയുന്നത്​.

Show Full Article
TAGS:Shooting Case malayali 
News Summary - Saudi citizen jailed for shooting Malayalee
Next Story