നിയമലംഘകരില്ലാത്ത രാജ്യം: സൗദിയിൽ പിടിയിലായത്​ 15 ലക്ഷത്തിലധികം പേർ

റിയാദ്​​: നിയമ ലംഘകരില്ലാത്ത രാജ്യം കാമ്പയി​​​െൻറ ഭാഗമായി സൗദിയിൽ 15 ലക്ഷത്തിലധികം പേരെ പിടികൂടിയതായി അധികൃതർ അറിയിച്ചു. 15,23,124 ആണ്​ ഇതിനകം പിടിയിലായത്​. 11,54,103 പേർ താമസ രേഖയില്ലാത്തവരാണ്​. 25,0804 പേർ തൊഴിൽ നിയമലംഘനത്തി​​​െൻറ പേരിലാണ്​ പിടിയിലായത്​. അതിർത്തി നിയമം ലംഘിച്ച കേസിൽ 1,18,217 പേർ അറസ്​റ്റിലായി. 

അനധികൃത താമസക്കാരായ വിദേശികൾക്ക്​ നിയമാനുസൃതം നാടണയുന്നതിനായി സർക്കാർ കഴിഞ്ഞ വർഷം പൊതുമാപ്പ്​ പ്രഖ്യാപിച്ചിരുന്നു. പത്ത്​ ലക്ഷത്തിലധിം പേർ ഇൗ ആനുകൂല്യം ഉപയോഗിച്ച്​ സ്വദേശങ്ങളിലേക്ക്​ തിരിച്ചു. നിയമാനുസൃതം നാടണഞ്ഞ അനധികൃത താമസക്കാരുടെ എണ്ണത്തിൽ ഇന്ത്യ മുൻപന്തിയിലായിരുന്നു. ഇന്ത്യൻ എംബസിയു​െട അഭ്യർഥന മാനിച്ച്​ രണ്ടാംഘട്ടം പൊതുമാപ്പ്​ ഇന്ത്യക്കാർക്ക്​ മാത്രമായി അനുവദിക്കുകയും ചെയ്​തു. 

ഇന്ത്യൻ എംബസിയും കോൺസുലേറ്റും ​സന്നദ്ധസംഘടനകളുടെ സഹായത്തോടെ കാമ്പയിനിൽ സജീവമായി പ​െങ്കടുത്തതിനാൽ നിയമത്തി​​​െൻറ ആനുകൂല്യത്തിൽ നാടണഞ്ഞവർക്ക്​ വീണ്ടു സൗദിയിലേക്ക്​ വരാനുള്ള അവസരം നിലനിൽക്കുന്നുണ്ട്​. പൊതുമാപ്പി​​​െൻറ ആനുകൂല്യത്തിൽ നാട്ടിൽ പോകുന്നവർക്ക്​ വീണ്ടും സൗദിയിലേക്ക്​ പുതിയ വിസയിൽ വരാമെന്നതായിരുന്നു ഏറ്റവും ഒടുവിലത്തെ പൊതുമാപ്പി​​​െൻറ മുഖ്യ ആകർഷണം. 

പൊതുമാപ്പിന്​ ശേഷം വിവിധ വകുപ്പുകൾ ഏകോപിച്ച്​ നടത്തുന്ന പരിശോധനയിലാണ്​ 15 ലക്ഷത്തിലധികം പേർ പിടിയിലായരിക്കുന്നത്​. ഫലത്തിൽ 25 ലക്ഷത്തോളം അനധികൃത താമസക്കാരെ രാജ്യത്ത്​ നിന്ന്​ ഒഴിവാക്കാനായി എന്നതാണ്​ സർക്കാർ നടപടിയുടെ ഗുണം. ഇതിൽ തടവിലാക്കപ്പെട്ടവരുടെ എണ്ണം ഏറെയാണ്​. പൊതുമാപ്പിൽ രാജ്യം വിടാത്തവർക്ക്​ തടവും പിഴയും തിരിച്ചുവരാനാവാത്തവിധം നാട്​ കടത്തലും ഉണ്ടാവുമെന്ന്​ സർക്കാർ നേരത്തെ പ്രഖ്യാപിച്ചിരുന്നു.

അനധികൃത താമസക്കാർ കുറഞ്ഞതോടെ രാജ്യത്ത്​ കുറ്റകൃത്യങ്ങളുടെ എണ്ണത്തിലും കൂറവ്​ വന്നതായി നേരത്തെ റിപ്പോർട്ടുണ്ടായിരുന്നു. അതേ സമയം വിദേശികൾ തമ്പടിക്കുന്ന തെര​ുവുകൾ കാലിയായി വരികയാണ്​. തൊഴിൽ നിയമങ്ങൾ കർശനമായതിനെതുർന്നും സ്വദേശിവത്​കരണം മൂലം തൊഴിൽ നഷ്​ടപ്പെട്ടും നാടണഞ്ഞ വിദേശികളുടെ എണ്ണം തിട്ടപ്പെടുത്താനായിട്ടില്ല. ഇന്ത്യക്കാർ ഉൾപെടെ ലക്ഷക്കണക്കിന്​ പേർ ഇൗയിനത്തിൽ  നാട്​ വിട്ടിട്ടുണ്ട്​. 

ഒൻപത്​ കടകൾ റിയാദ്​ മുനിസിപ്പാലിറ്റി അടച്ചുപൂട്ടി
റിയാദ്​: ചട്ടം ലംഘിച്ച്​ പ്രവർത്തിച്ച ഒൻപത്​ കടകൾ റിയാദ്​ മുനിസിപ്പാലിറ്റി അടച്ചുപൂട്ടി. പരിസ്​ഥിതി ആരോഗ്യ വകുപ്പുകളുടെ നേതൃത്വത്തിൽ നടന്ന പരിശോധനയിലാണ്​ നിയമങ്ങൾ ലംഘിച്ച്​ പ്രവർത്തിച്ച ഒമ്പത്​ കടകൾ അടച്ചുപൂട്ടിയതെന്ന്​ അധികൃതർ അറിയിച്ചു.