ഇന്ത്യ-പാക്​ സംഘർഷം ലഘൂകരിക്കാൻ സൗദി അറേബ്യയുടെ ഇടപെടൽ

റിയാദ്​: കശ്മീരിലെ പഹൽഗാമിൽ വിനോദസഞ്ചാരികൾക്ക് നേരെ ഭീകരവാദികൾ നടത്തിയ ആക്രമണത്തിന് ശേഷം രൂക്ഷമായ ഇന്ത്യ-പാക്​ സംഘർഷം ലഘൂകരിക്കാൻ സൗദി അറേബ്യയുടെ സുപ്രധാന ഇടപെടൽ. സൗദി ഭരണാധികാരി സൽമാൻ രാജാവി​െൻറയും കിരീടാവകാശി അമീർ മുഹമ്മദ്​ ബിൻ സൽമാ​െൻറയും നിർദേശത്തെ തുടർന്ന്​ വിദേശകാര്യ സഹമന്ത്രി ആദിൽ അൽ ജുബൈർ ന്യൂഡൽഹിയിലും ഇസ്​ലാമാബാദിലും അപ്രതീക്ഷിത​ സന്ദർശനം നടത്തിയിരുന്നു.

മെയ്​ എട്ട്​, ഒമ്പത്​ തീയതികളി​െല ഈ സന്ദർശനത്തിനിടെ ഇന്ത്യൻ വിദേശകാര്യമന്ത്രി എസ്​. ജയശങ്കറുമായും പാകിസ്​താൻ ഉപ പ്രധാനമന്ത്രിയും വിദേശകാര്യ മന്ത്രിയുമായ മുഹമ്മദ്​ ഇസ്​ഹാഖ്​ ദറുമായും നടത്തിയ കൂടിക്കാഴ്​ചയും ചർച്ചയും സംഘർഷം ലഘൂകരിക്കുന്നതിനും നിലവിലുള്ള സൈനിക ഏറ്റുമുട്ടലുകൾ അവസാനിപ്പിക്കുന്നതിനും സംഭാഷണങ്ങളിലൂടെയും നയതന്ത്ര മാർഗങ്ങളിലൂടെയും എല്ലാ തർക്കങ്ങളും പരിഹരിക്കുന്നതിനുമുള്ള രാജ്യത്തി​െൻറ ശ്രമങ്ങളുടെ ഭാഗമാണെന്ന്​ ശനിയാഴ്​ച​ പുറപ്പെടുവിച്ച പ്രസ്​താവനയിൽ സൗദി വിദേശകാര്യമന്ത്രാലയം വ്യക്തമാക്കി.

ആദിൽ അൽ ജുബൈറുമായി ‘നല്ല കൂടിക്കാഴ്ച’യാണ്​ നടത്തിയതെന്നും ‘ഭീകരതയെ ശക്തമായി നേരിടുന്നതിൽ ഇന്ത്യയുടെ കാഴ്ചപ്പാടുകൾ പങ്കുവെച്ചതായും’ എസ്​. ജയശങ്കർ എക്‌സ്​ പോസ്​റ്റിൽ അന്ന്​ തന്നെ വ്യക്തമാക്കിയിരുന്നു.

ഇസ്​ലാമാബാദ്​ സന്ദർശനത്തി​െൻറ ഉദ്ദേശ്യം പാകിസ്​താൻ സർക്കാർ ഔദ്യോഗികമായി വെളിപ്പെടുത്തിയിട്ടില്ലെങ്കിലും നിലവിലെ സംഘർഷത്തിലും പരസ്പര താൽപ്പര്യമുള്ള മറ്റ് വിഷയങ്ങളിലുമാണ്​ ചർച്ചകൾ ശ്രദ്ധ കേന്ദ്രീകരിച്ചതെന്ന്​ അന്താരാഷ്​ട്ര മാധ്യമങ്ങൾ പിന്നീട്​ റിപ്പോർട്ട്​ ചെയ്​തിരുന്നു. സംഘർഷം ലഘൂകരിക്കാനുള്ള ശ്രമം സൗദി അറേബ്യയുടെ ഭാഗത്തുനിന്ന്​ തുടരും എന്നാണ്​ ലഭിക്കുന്ന സൂചനകൾ.