ഗ​സ്സ​യി​ലേ​ക്ക്​ സൗ​ദി അ​റേ​ബ്യ​യു​ടെ ആ​ദ്യ ദു​രി​താ​ശ്വാ​സ വി​മാ​നം പു​റ​പ്പെ​ട്ടു

ജി​ദ്ദ: ഇ​സ്രാ​യേ​ൽ ആ​ക്ര​മ​ണ​ത്തെ തു​ട​ർ​ന്ന്​ ദു​രി​ത​മ​നു​ഭ​വി​ക്കു​ന്ന ഗ​സ്സ​യി​ലെ ജ​ന​ങ്ങ​ൾ​ക്ക്​ ആ​ശ്വാ​സ​മേ​കാ​ൻ സൗ​ദി​യു​ടെ ആ​ദ്യ ദു​രി​താ​ശ്വാ​സ വി​മാ​നം പു​റ​പ്പെ​ട്ടു. റി​യാ​ദി​ലെ കി​ങ്​ ഖാ​ലി​ദ്​ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ​നി​ന്ന് ദു​രി​താ​ശ്വാ​സ, പാ​ർ​പ്പി​ട സാ​മ​ഗ്രി​ക​ൾ ഉ​ൾ​പ്പെ​ടെ 35 ട​​ൺ വ​സ്​​തു​ക്ക​ളു​മാ​യി പ​റ​ന്നു​യ​ർ​ന്ന വി​മാ​നം​ ഈ​ജി​പ്തി​ലെ അ​ൽ​അ​രീ​ഷ് അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ൽ ഇ​റ​ങ്ങും. ഗ​സ്സ​യി​ലെ ജ​ന​ത​ക്ക്​ ആ​ശ്വാ​സം എ​ത്തി​ക്കു​ന്ന​തി​ന്​ സ​ൽ​മാ​ൻ രാ​ജാ​വി​​ന്റെ​യും കി​രീ​ടാ​വ​കാ​ശി അ​മീ​ർ മു​ഹ​മ്മ​ദ്​ ബി​ൻ സ​ൽ​മാ​ന്റെ​യും നി​ർ​ദേ​ശ​ത്തെ തു​ട​ർ​ന്ന്​ കെ.​എ​സ്.​ റി​ലീ​ഫ്​ സൗ​ദി​യി​ൽ ആ​രം​ഭി​ച്ച ജ​ന​കീ​യ ധ​ന​സ​മാ​ഹ​ര​ണ കാ​മ്പ​യി​​ന്റെ ഭാ​ഗ​മാ​ണി​ത്.​

ഗ​സ്സ​ക്ക്​ ന​ൽ​ക്കു​ന്ന ഈ ​മാ​നു​ഷി​ക സ​ഹാ​യം ലോ​ക​മെ​മ്പാ​ടു​മു​ള്ള സ​ഹോ​ദ​ര​ങ്ങ​ളെ​യും സു​ഹൃ​ത്തു​ക്ക​ളെ​യും സ​ഹാ​യി​ക്കാ​നു​ള്ള സൗ​ദി ഭ​ര​ണ​കൂ​ട​ത്തി​ന്റെ ഉ​ദാ​ത്ത​മാ​യ മാ​ന​വി​ക​ത​യു​ടെ ഭാ​ഗ​മാ​ണെ​ന്ന്​ കെ.​എ​സ്. റി​ലീ​ഫ്​ ജ​ന​റ​ൽ സൂ​പ്പ​ർ​വൈ​സ​ർ ഡോ. ​അ​ബ്​​ദു​ല്ല അ​ൽ​റ​ബീ​അ പ​റ​ഞ്ഞു. ഇ​ത്​ ആ​ദ്യ വി​മാ​നം മാ​ത്ര​മാ​ണ്. വ​രും ദി​വ​സ​ങ്ങ​ളി​ലും കൂ​ടു​ത​ൽ വി​മാ​ന​ങ്ങ​ൾ സ​ഹാ​യ​ങ്ങ​ളു​മാ​യി പോ​കും. ക​പ്പ​ൽ മാ​ർ​ഗ​വും സ​ഹാ​യം എ​ത്തി​ക്കു​ന്ന​തി​നു​ള്ള സാ​ധ്യ​ത​ക​ൾ കേ​ന്ദ്രം പ​ഠി​ച്ചു​വ​രു​ക​യാ​ണ്. വി​വി​ധ പ്ര​തി​സ​ന്ധി​ക​ളി​ലും ക്ലേ​ശ​ങ്ങ​ളി​ലും സ​ഹോ​ദ​ര-​സൗ​ഹൃ​ദ രാ​ജ്യ​ങ്ങ​ൾ​ക്ക് സ​ഹാ​യ​ഹ​സ്തം നീ​ട്ടു​ന്ന​തി​ൽ സൗ​ദി എ​ന്നും മു​ന്നി​ൽ​നി​ന്നി​ട്ടു​ണ്ട്. ഫ​ല​സ്​​തീ​നും സൗ​ദി​യും ത​മ്മി​ൽ ആ​ഴ​വും ശ​ക്ത​വു​മാ​യ സാ​ഹോ​ദ​ര്യ​ബ​ന്ധ​മാ​ണു​ള്ള​ത്. അ​തു​കൊ​ണ്ട്​ എ​ല്ലാ​നി​ല​ക്കു​മു​ള്ള പി​ന്തു​ണ​യും സ​ഹാ​യ​വും സൗ​ദി തു​ട​ർ​ച്ച​യാ​യി ന​ൽ​ക​ക്കൊ​ണ്ടി​രി​ക്കു​മെ​ന്നും ഡോ. ​അ​ബ്​​ദു​ല്ല അ​ൽ​റ​ബീ​അ കൂ​ട്ടി​ച്ചേ​ർ​ത്തു.