ഈ​ദുൽ ഫിത്വറി​ന്‍റെ ആഘോഷ നിറവിൽ സൗദി

ജിദ്ദ: വ്രതാനുഷ്​ഠാനത്തി​െൻറയും പ്രാർത്ഥനകളിൽ മുഴുകിയ ഇരവുപകലുകളുടെയും ഒടുവിൽ വന്നണഞ്ഞ ഇൗദുൽ ഫിത്വറി​െൻറ മധുരിമയിൽ സൗദി അറേബ്യ. റമദാൻ 29 ആയ വ്യാഴാഴ്​ച ശവാൽ മാസപ്പിറവി കണ്ടതിനെ തുടർന്ന്​​ സൗദി റോയൽ കോർട്ട്​ വെള്ളിയാഴ്​ച പെരുന്നാൾ ദിനമായി പ്രഖ്യാപിക്കുകയായിരുന്നു. തുടർന്ന്​ രാജ്യമെങ്ങും സ്വദേശികളും വിദേശികളുമായ ജനസഞ്ചയം അത്യാഹ്ലാദ​പൂർവം​ ഇൗദുൽ ഫിത്വർ കൊണ്ടാടാൻ തുടങ്ങി. മൂന്നുനാൾ വരെ നീണ്ടുനിൽക്കുന്ന ആഘോഷമാണെങ്ങും.

പെരുന്നാളി​െൻറ ആദ്യ ദിനത്തിൽ പുലർച്ചെ പള്ളികളിലും ഇൗദ്​ഗാഹുകളിലും ആളുകൾ സംഗമിച്ച്​ ഇൗദ്​ നമസ്​കാരം നിർവഹിച്ചു. സൂര്യോദയമുണ്ടായി 15 മിനുട്ടിന്​ ശേഷമായിരുന്നു നമസ്​കാരം. ഏറെ സന്തോഷത്തോടെയും ആത്മനിർവൃതിയോടെയും സ്​ത്രീകളും കുട്ടികളുമടക്കം ലക്ഷങ്ങളാണ്​ വിവിധ സ്ഥലങ്ങളിലൊരുക്കിയ ഇൗദ്​ ഗാഹുകളിലെത്തിയത്​.

വിവിധ ഭാഗങ്ങളിൽ നടന്ന നമസ്​കാരങ്ങളിൽ അതത്​ മേഖല ഗവർണർമാർ പങ്കാളികളായി. നമസ്​കാര ശേഷം ഇൗദാംശസകൾ കൈമാറി. സൽമാൻ രാജാവ്​ ജിദ്ദയിലെ അൽസലാം കൊട്ടാരത്തിലാണ്​ ഇൗദുൽഫിത്വർ നമസ്​കാരം നിർവഹിച്ചത്​. മക്ക മേഖല ഡെപ്യുട്ടി ഗവർണർ അമീർ ബദ്​ർ ബിൻ സുൽത്താൻ, ജിദ്ദ ഗവർണർ അമീർ സഉൗദ്​ ബിൻ അബ്​ദുല്ലാഹ്​ ബിൻ ജലവി, നിരവധി അമീറുമാർ, റോയൽ കോർട്ടിലെ മുതിർന്ന ഉദ്യോഗസ്ഥർമാർ തുടങ്ങിയവർ സൽമാൻ രാജാവിനോടൊപ്പം ഇൗദ്​ നമസ്​കാരത്തിൽ പ​െങ്കടുത്തു. കിരീടാവകാശി അമീർ മുഹമ്മദ്​ ബിൻ സൽമാൻ മക്ക ഹറമിലാണ്​ ഇൗദ്​ നമസ്​കാരം നിർവഹിച്ചത്​.

ഇരുഹറമുകളിൽ നടന്ന ഇൗദ്​ നമസ്​കാരത്തിൽ സ്വദേശികളും തീർഥാടകരും സന്ദർശകരുമായി ലക്ഷങ്ങൾ പ​െങ്കടുത്തു. പുലർച്ചെ മുതൽ ഹറമുകളിലെ ഈദ് നമസ്​കാരത്തിൽ ​പ​െങ്കടുക്കാനുള്ള വിശ്വാസികളുടെ ഒഴുക്ക്​​ തുടങ്ങിയിരുന്നു. മക്ക ഹറമിൽ റോയൽ കോർട്ട്​ ഉപദേഷ്ടാവും ഹറം ഇമാമും ഖത്തീബുമായ ഡോ. സാലിഹ് ബിൻ അബ്​ദുല്ല ബിൻ ഹുമൈദ് ഇൗദ്​ നമസ്​കാരത്തിനും ഖുതുബക്കും നേതൃത്വം നൽകി. ഹൃദയങ്ങളെ ശുദ്ധീകരിക്കാനും ആത്മാവുകളെ അനുരഞ്ജിപ്പിക്കാനുമുള്ള മികച്ച അവസരമാണ് ഈദ്​ എന്ന്​ ഇമാം പറഞ്ഞു.

വെറുപ്പി​െൻറയും അസൂയയുടെയും അഴുക്ക് മനസുകളിൽനിന്ന്​ കഴുകികളയാൻ അനുയോജ്യമായ സമയമാണ്​. ശത്രുതയുടെയും വിദ്വേഷത്തി​െൻറയും കാരണങ്ങൾ നീക്കം ചെയ്യാനും സന്തോഷം എളുപ്പത്തിൽ സന്നിവേശിപ്പിക്കാനുള്ള സന്ദർഭമാണെന്നും ഇമാം പറഞ്ഞു. ദൈവപ്രീതിയിൽ ഈദി​െൻറ സന്തോഷം തേടാനും പാപം വെടിയാനും സൽകർമങ്ങൾ വർധിപ്പിക്കാനും മാതാപിതാക്കളെ പ്രീതിപ്പെടുത്താനും സഹോദരങ്ങളെ സ്നേഹിക്കാനും ബന്ധുബന്ധങ്ങൾ ഉയർത്തിപ്പിടിക്കാനും പാവപ്പെട്ടവർക്ക് ഭക്ഷണം നൽകാനും വസ്ത്രമില്ലാത്തവന്​ വസ്​ത്രം നൽകാനും ഭീതിയിൽ അകപ്പെട്ടവന്​ നിർഭയത്വമേകാനും അനാഥരെ സംരക്ഷിക്കാനും രോഗികളെ സഹായിക്കാനും ഇമാം വിശ്വാസികളെ ആഹ്വാനം ചെയ്​തു.

മദീനയിലെ മസ്​ജിദുന്നബവിയിൽ വലിയ ജനക്കൂട്ടം ഇൗദുൽ ഫിത്വർ നമസ്​കാരത്തിൽ പ​െങ്കടുത്തു. മേഖല ഗവർണർ അമീർ ഫൈസൽ ബിൻ സൽമാൻ, ഡെപ്യുട്ടി ഗവർണർ അമീർ സഉൗദ്​ ബിൻ ഖാലിദ്​ അൽഫൈസൽ എന്നിവർ മസ്​ജിദുന്നബവിയിലെ ഇൗദ്​ നമസ്​കാരത്തിൽ പ​െങ്കടുത്തവരിലുൾപ്പെടും. ഡോ. അബ്​ദുൽബാരി അൽസുബൈത്തി പെരുന്നാൾ നമസ്​കാരത്തിനും ഖുത്തുബക്കും നേതൃത്വം നൽകി.

ബന്ധം പുതുക്കുന്നതിനും അതി​െൻറ മൂല്യങ്ങൾ ഊട്ടിയുറപ്പിക്കുന്നതിനുമുള്ള സമയമാണ് ഇൗദ്​ ​എന്ന്​ ഇമാം പറഞ്ഞു. അവകാശങ്ങളുടെ പൂർത്തീകരണം, ദേശീയ ഐക്യം ശക്തിപ്പെടുത്തൽ, ധാർമികത പുലർത്തലും​ െഎക്യം കാത്തുസൂക്ഷിക്കലും ഈദി​െൻറ ഏറ്റവും ഉയർന്ന ലക്ഷ്യങ്ങളിലൊന്നാണ്. മുസ്‌ലിംകൾക്കിടയിൽ കാരുണ്യവും അടുപ്പവും ഭൂമിയുടെ എല്ലാ കോണുകളിലുമുള്ള മുസ്‌ലിംകളുടെ അവസ്ഥയെ ഉണർത്തേണ്ടത് ആവശ്യമാണെന്നും ഇമാം പറഞ്ഞു.