സ്ഥാ​പ​ക​ദി​നം ആ​ഘോ​ഷി​ക്കാ​നൊ​രു​ങ്ങി സൗ​ദി

റി​യാ​ദ്: രാ​ജ്യം സ്ഥാ​പി​ക്ക​പ്പെ​ട്ട​തി​​ന്‍റെ വാ​ർ​ഷി​ക ദി​നം ആ​ഘോ​ഷി​ക്കാ​ൻ ഒ​രു​ങ്ങി സ്വാ​ഭി​മാ​നം സൗ​ദി അ​റേ​ബ്യ. നാ​ടും ന​ഗ​ര​വും സ്വ​ദേ​ശി​ക​ളും വി​ദേ​ശി​ക​ളും ആ​ഘോ​ഷ​ത്തി​ൽ പ​ങ്കാ​ളി​ക​ളാ​വും. മൂ​ന്ന് ശ​താ​ബ്​​ദ​ങ്ങ​ൾ​ക്ക് മു​മ്പ്, 1727 ​ന്‍റെ തു​ട​ക്ക​ത്തി​ൽ (ഹി​ജ്‌​റ വ​ർ​ഷം 1139 ​ന്‍റെ മ​ധ്യ​ത്തി​ൽ) ഇ​മാം മു​ഹ​മ്മ​ദ് ബി​ൻ സ​ഊ​ദ് ആ​ദ്യ​ത്തെ സൗ​ദി രാ​ഷ്​​ട്രം സ്ഥാ​പി​ച്ച​തി​​ന്‍റെ ഓ​ർ​മ​ദി​ന​മാ​യാ​ണ്​ എ​ല്ലാ വ​ർ​ഷ​വും ഫെ​ബ്രു​വ​രി 22 കൊ​ണ്ടാ​ടു​ന്ന​ത്. ക​ഴി​ഞ്ഞ വ​ർ​ഷ​മാ​ണ് ആ​ദ്യ​മാ​യി ഈ ​ദി​നം ആ​ഘോ​ഷി​ക്കാ​ൻ തു​ട​ങ്ങി​യ​ത്. പൊ​തു അ​വ​ധി​യാ​യും പ്ര​ഖ്യാ​പി​ച്ചു.

നാ​ട്ടു​രാ​ജ്യ​ങ്ങ​ളെ സം​യോ​ജി​പ്പി​ച്ച്​ അ​ബ്​​ദു​ൽ അ​സീ​സ് രാ​ജാ​വ്​ സൗ​ദി അ​റേ​ബ്യ​യാ​യി ഏ​കീ​ക​രി​ച്ച​ത് 1932 സെ​പ്റ്റം​ബ​ർ 23നാ​ണ്​. ഈ ​ദി​ന​മാ​ണ്​ ദേ​ശീ​യ​ദി​ന​മാ​യി കൊ​ണ്ടാ​ടു​ന്ന​ത്. മു​മ്പ്​ ഈ ​ദി​നം മാ​ത്ര​മാ​ണ് ആ​ഘോ​ഷി​ക്കു​ക​യും പൊ​തു അ​വ​ധി​യാ​ക്കു​ക​യും ചെ​യ്​​തി​രു​ന്ന​ത്. 2005ൽ ​അ​ബ്​​ദു​ല്ല രാ​ജാ​വി​​ന്‍റെ ഭ​ര​ണ​കാ​ല​ത്താ​ണ് ദേ​ശീ​യ​ദി​നം ആ​ഘോ​ഷി​ക്കാ​നും പൊ​തു അ​വ​ധി ന​ൽ​കാ​നും ഉ​ത്ത​ര​വു​ണ്ടാ​യ​ത്‌. തു​ട​ർ​ന്ന് എ​ല്ലാ സെ​പ്റ്റം​ബ​ർ 23നും ​രാ​ജ്യം ദേ​ശീ​യ​ദി​നം ആ​ഘോ​ഷി​ക്കാ​റു​ണ്ട്.

രാ​ജ്യ​ത്തി​​ന്‍റെ ച​രി​ത്രം ഓ​ർ​മി​പ്പി​ക്ക​ലും ആ​ധു​നി​ക സൗ​ദി അ​റേ​ബ്യ​യി​ലേ​ക്കു​ള്ള വ​ഴി തെ​ളി​യി​ക്ക​ലു​മാ​ണ് സ്ഥാ​പ​ക​ദി​നാ​ഘോ​ഷം. നാ​ടൊ​ട്ടു​ക്കും രാ​ജ്യ​ത്തി​​ന്‍റെ പാ​ര​മ്പ​ര്യം വി​ളി​ച്ചോ​തു​ന്ന പ​രി​പാ​ടി​ക​ളു​ണ്ടാ​കും. അ​ഭി​മാ​നി​ക്കാ​ൻ ഏ​റെ കാ​ര്യ​ങ്ങ​ളു​ള്ള മാ​റ്റ​ത്തി​ലൂ​ടെ​യാ​ണ് സൗ​ദി ഇ​പ്പോ​ൾ ക​ട​ന്നു​പോ​കു​ന്ന​ത്.

ലോ​ക​ത്തെ ആ​ദ്യ കാ​ർ​ബ​ൺ​ര​ഹി​ത ന​ഗ​ര​മാ​യ ‘ദി ​ലൈ​ൻ’ ഉ​ൾ​പ്പെ​ടെ അ​ത്യാ​ധു​നി​ക പ​ദ്ധ​തി​ക​ൾ വ​ഴി സൗ​ദി അ​റേ​ബ്യ ലോ​ക​ത്തി​​ന്‍റെ നെ​റു​ക​യി​ൽ അ​ഭി​മാ​ന​ക​ര​മാ​യി അ​ട​യാ​ള​പ്പെ​ടു​ത്ത​പ്പെ​ടു​ന്ന​തി​​ന്‍റെ ചാ​രി​താ​ർ​ഥ്യ​ത്തി​ലാ​ണ് രാ​ജ്യ​ത്തെ പൗ​ര​ന്മാ​രും വി​ദേ​ശി​ക​ളും. കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ അ​മീ​ർ മു​ഹ​മ്മ​ദ് ബി​ൻ സ​ൽ​മാ​ൻ രാ​ജ്യ​ത്തി​​ന്‍റെ പ​രി​വ​ർ​ത്ത​ന പ​ദ്ധ​തി​യാ​യി പ്ര​ഖ്യാ​പി​ച്ച വി​ഷ​ൻ 2030 രാ​ജ്യ​ത്ത് വി​പ്ല​വ​ക​ര​മാ​യ മാ​റ്റ​ത്തി​ന് നാ​ന്ദി കു​റി​ക്കു​ക​യാ​യി​രു​ന്നു. തൊ​ഴി​ല​വ​സ​ര​ങ്ങ​ൾ ഗ​ണ്യ​മാ​യി പെ​രു​കു​ക​യും സ്ത്രീ​ക​ൾ ഉ​ൾ​പ്പ​ടെ​യു​ള്ള സം​രം​ഭ​ക​ർ​ക്കും ഉ​ദ്യോ​ഗാ​ർ​ഥി​ക​ൾ​ക്കും മി​ക​ച്ച സാ​ധ്യ​ത​ക​ൾ ഉ​ണ്ടാ​കു​ക​യും രാ​ജ്യ​ത്തി​​ന്‍റെ സ​മ്പ​ദ്​​വ്യ​വ​സ്ഥ ശ​ക്ത​മാ​കു​ക​യും ചെ​യ്ത പ​ദ്ധ​തി രാ​ജ്യ​ത്തെ സ്വ​ദേ​ശി​ക​ളും വി​ദേ​ശി​ക​ളും സ്വീ​ക​രി​ച്ച​ത് അ​വ​രു​ടെ ഹൃ​ദ​യ​ത്തി​ലേ​ക്കാ​ണ്. ആ​ഘോ​ഷം വ​ർ​ണാ​ഭ​മാ​ക്കാ​ൻ ഒ​രു​ക്കം പൂ​ർ​ത്തി​യാ​യി​ക്ക​ഴി​ഞ്ഞു.

പ്ര​ധാ​ന ന​ഗ​ര​ങ്ങ​ളെ​ല്ലാം ആ​ഘോ​ഷ പ​രി​പാ​ടി​ക​ൾ​ക്ക് സാ​ക്ഷ്യം വ​ഹി​ക്കും. ത​ല​സ്ഥാ​ന ന​ഗ​ര​ത്തി​ലെ വി​നോ​ദ സാം​സ്​​കാ​രി​ക ന​ഗ​രി​യാ​യ ബോ​ളീ​വാ​ർ​ഡി​ൽ പ്ര​ത്യേ​ക ആ​ഘോ​ഷ പ​രി​പാ​ടി​ക​ൾ അ​ര​ങ്ങേ​റും. ന​ഗ​ര​ത്തി​ന​ക​ത്തും ഗ്രാ​മ​ങ്ങ​ളി​ലും സൗ​ദി​യു​ടെ ച​രി​ത്രം പ​റ​യാ​നും അ​റി​യാ​നും സം​വാ​ദ വേ​ദി​ക​ൾ ഒ​രു​ങ്ങും. സൗ​ദി​യി​ലെ പ്ര​ധാ​ന പൗ​രാ​ണി​ക ച​ന്ത​ക​ൾ വൈ​ദ്യു​ത​ദീ​പ​ങ്ങ​ളാ​ലും കൊ​ടി​തോ​ര​ണ​ങ്ങ​ളാ​ലും അ​ല​ങ്ക​രി​ക്ക​പ്പെ​ടും. രാ​ജ്യ​ത്തി​​ന്‍റെ ച​രി​ത്ര​വും സം​സ്കാ​ര​വും സാ​മൂ​ഹി​ക​വു​മാ​യ പൈ​തൃ​കം ഉ​യ​ർ​ത്തി​പ്പി​ടി​ക്കു​ന്ന ഒ​ട്ട​ന​വ​ധി പ​രി​പാ​ടി​ക​ൾ​ക്കും ക​ലാ​പ്ര​ക​ട​ന​ങ്ങ​ൾ​ക്കും വി​വി​ധ പ്ര​വി​ശ്യ​ക​ളി​ൽ അ​ര​ങ്ങൊ​രു​ങ്ങും.

ആ​ഘോ​ഷ​ങ്ങ​ളു​ടെ ഭാ​ഗ​മാ​കാ​ൻ ചെ​റു​കി​ട, വ​ൻ​കി​ട സ്ഥാ​പ​ന​ങ്ങ​ളും മ​റ്റ് സേ​വ​ന മേ​ഖ​ല​ക​ളും അ​വ​രു​ടെ ഉ​ൽ​പ​ന്ന​ങ്ങ​ൾ​ക്കും സേ​വ​ന​ത്തി​നും പ്ര​ത്യേ​ക ഇ​ള​വു​ക​ൾ പ്ര​ഖ്യാ​പി​ച്ചി​ട്ടു​ണ്ട്.

സൗ​ദി​യു​ടെ ച​രി​ത്രം പ​റ​യു​ന്ന ഭൂ​പ്ര​ദേ​ശ​ങ്ങ​ൾ, പ​ഴ​യ​കാ​ല ചി​ത്ര​ങ്ങ​ൾ, നൂ​റ്റാ​ണ്ടു​ക​ൾ​ക്ക് മു​മ്പ് ഉ​പ​യോ​ഗി​ച്ചി​രു​ന്ന പാ​ത്ര​ങ്ങ​ൾ, വ​സ്ത്ര​ങ്ങ​ൾ, ആ​യു​ധ​ങ്ങ​ൾ, അ​ക്കാ​ല​ത്തെ തെ​രു​വ് ച​ന്ത​യു​ടെ ചി​ത്രം തു​ട​ങ്ങി പ​ഴ​യ സൗ​ദി​യി​ലേ​ക്ക് ശ്ര​ദ്ധ തി​രി​ക്കു​ന്ന ചി​ഹ്ന​ങ്ങ​ൾ ട്വി​റ്റ​ർ, സ്നാ​പ്ചാ​റ്റ് ഉ​ൾ​പ്പെ​ടെ​യു​ള്ള സ​മൂ​ഹ മാ​ധ്യ​മ​ങ്ങ​ളി​ൽ നി​റ​യു​ന്നു​ണ്ട്.