ചികിത്സക്ക്​ നാട്ടിൽ പോയ പ്രവാസി വ്യാപാരി മരിച്ചു

ജുബൈൽ: അസുഖബാധയെ തുടർന്ന്​ ചികിത്സക്കായി നാട്ടിൽ പോയ പ്രവാസി മലയാളി നിര്യാതനായി. ജുബൈലിൽ വ്യാപാരിയായ കാസർകോട്​ മണക്കാട് മട്ടമ്മൽസ്വദേശി തെക്കേ പീടികയിൽ അബ്​ദുല്ല (58) ആണ് മരിച്ചത്. ജുബൈലിലെ റഹ്‌മ കോൾഡ് സ്​റ്റോറേജ് ഉടമകളിൽ ഒരാളാണ്​.​ 25 വർഷത്തിലേറെയായി സൗദിയിലുള്ളഅബ്​ദുല്ല നേരത്തെ സാഹിൽ കോൾഡ് സ്​റ്റോറേജ്, റാസിൽ കോൾഡ് സ്​റ്റോറേജ് എന്നിവ നടത്തിയ ശേഷം 11 വർഷം മുമ്പാണ് റഹ്‌മ കോൾഡ് സ്​റ്റോറേജി​െൻറ നടത്തിപ്പ്​ പങ്കാളിയാവുന്നത്. രോഗബാധയെ തുടർന്ന് ചികിത്സക്കായി ഒരുവർഷം മുമ്പാണ് നാട്ടിലേക്ക് പോയത്. മൃതദേഹം ഖബറടക്കി. ഭാര്യ: സുഹ്റാബി. മക്കൾ: ശറഫ്, ഹമീദ്, ഫാത്വിമ. മരുമക്കൾ:- റിയാസ്, റുക്സാന.