സൗ​ദി മീ​ഡി​യ ഫോ​റം സ​മ്മേ​ള​ന​ത്തി​ന്​ തു​ട​ക്കം

റി​യാ​ദ്​: നാ​ലാ​മ​ത്​ സൗ​ദി മീ​ഡി​യ ഫോ​റം സ​മ്മേ​ള​നം​ വാ​ർ​ത്താ​വി​ത​ര​ണ മ​ന്ത്രി സ​ൽ​മാ​ൻ അ​ൽ​ദോ​സ​രി ഉ​ദ്ഘാ​ട​നം ചെ​യ്തു. അ​ന്താ​രാ​ഷ്​​ട്ര പ്ര​മു​ഖ​രു​ൾ​പ്പ​ടെ​യു​ള്ള മാ​ധ്യ​മ​പ്ര​വ​ർ​ത്ത​ക​ർ, അ​ക്കാ​ദ​മി​ക് വി​ദ​ഗ്​​ധ​ർ, 200 പ്ര​ഭാ​ഷ​ക​ർ, മ​ന്ത്രി​മാ​ർ, സ​ർ​ക്കാ​ർ ഏ​ജ​ൻ​സി​ക​ളി​ലെ ഉ​ദ്യോ​ഗ​സ്ഥ​ർ, അ​ക്കാ​ദ​മി​ക് സ്ഥാ​പ​ന​ങ്ങ​ൾ, പ്രാ​ദേ​ശി​ക, അ​ന്ത​ർ​ദേ​ശീ​യ ത​ല​ങ്ങ​ളി​ൽ മാ​ധ്യ​മ​സ്ഥാ​പ​ന ന​ട​ത്തി​പ്പു​കാ​ർ, നി​ക്ഷേ​പ​ക​ർ തു​ട​ങ്ങി​യ​വ​രാ​ണ്​ സ​മ്മേ​ള​ന​ത്തി​ൽ പ​​ങ്കെ​ടു​ക്കു​ന്ന​ത്.

മാ​ധ്യ​മ​ങ്ങ​ളു​ടെ ഭാ​വി രൂ​പ​പ്പെ​ടു​ത്ത​ലും ഈ ​രം​ഗ​ത്തെ പ്ര​തി​ഭ​ക​ളെ ശാ​ക്തീ​ക​രി​ക്ക​ലും മാ​ധ്യ​മ സ്ഥാ​പ​ന​ങ്ങ​ൾ, പ​ത്ര​പ്ര​വ​ർ​ത്ത​ക​ർ, ഉ​ള്ള​ട​ക്ക സ്ര​ഷ്‌​ടാ​ക്ക​ൾ എ​ന്നി​വ​രെ ആ​ദ​രി​ക്ക​ലു​മാ​ണ്​ പ്ര​ധാ​ന​പ​രി​പാ​ടി​ക​ൾ.

ബു​ധ​നാ​ഴ്​​ച ആ​രം​ഭി​ച്ച സ​മ്മേ​ള​നം വെ​ള്ളി​യാ​ഴ്​​ച അ​വ​സാ​നി​ക്കും. പ്ര​ധാ​ന വി​ഷ​യ​ങ്ങ​ൾ അ​വ​ത​രി​പ്പി​ക്കു​ക​യും ച​ർ​ച്ച ചെ​യ്യു​ക​യും ചെ​യ്യും.

മാ​ധ്യ​മ​ങ്ങ​ളു​ടെ ഭാ​വി സൃ​ഷ്​​ടി​ക്കു​ന്ന​തി​ൽ സാ​ങ്കേ​തി​ക​വി​ദ്യ​യും അ​തി​​ന്റെ സ്വാ​ധീ​ന​വും, മാ​ധ്യ​മ സ​മ്പ​ദ്‌​വ്യ​വ​സ്ഥ സൃ​ഷ്​​ടി​ക്കു​ന്ന​തി​ലെ അ​വ​സ​ര​ങ്ങ​ളും വെ​ല്ലു​വി​ളി​ക​ളും, ഉ​ള്ള​ട​ക്ക സൃ​ഷ്‌​ടി​യി​ലെ ന​വീ​ക​ര​ണ​വും സ​ർ​ഗാ​ത്മ​ക​ത​യും, ആ​ഗോ​ള മാ​ധ്യ​മ പ്ര​വ​ണ​ത​ക​ൾ, മാ​ധ്യ​മ​ങ്ങ​ളി​ലെ സാം​സ്‌​കാ​രി​ക ഐ​ഡ​ന്റി​റ്റി​യും ഉ​ത്ത​ര​വാ​ദി​ത്ത​വും, സു​സ്ഥി​ര​ത​യും മാ​ധ്യ​മ​ങ്ങ​ളും തു​ട​ങ്ങി​യ വി​വി​ധ സെ​ഷ​നു​ക​ളും അ​ജ​ണ്ട​ക​ളു​മാ​യാ​ണ്​ സ​മ്മേ​ള​നം പു​രോ​ഗ​മി​ക്കു​ന്ന​ത്. അ​ഞ്ച് തി​യ​റ്റ​റു​ക​ളി​ലാ​യി സം​വേ​ദ​നാ​ത്മ​ക പ​രി​പാ​ടി​ക​ളും ശി​ൽ​പ​ശാ​ല​ക​ളും കൂ​ട്ട​ത്തി​ൽ ന​ട​ക്കു​ന്നു​ണ്ട്.

2030ഓ​ടെ മാ​ധ്യ​മ​മേ​ഖ​ല​യി​ൽ ഒ​ന്ന​ര​ല​ക്ഷം തൊ​ഴി​ല​വ​സ​ര​ങ്ങ​ൾ സൃ​ഷ്​​ടി​ക്ക​പ്പെ​ടു​​മെ​ന്ന്​​ ഉ​ദ്ഘാ​ട​ന പ്ര​സം​ഗ​ത്തി​ൽ വാ​ർ​ത്താ​വി​ത​ര​ണ മ​ന്ത്രി പ​റ​ഞ്ഞു. ‘ആ​ളു​ക​ളെ കെ​ട്ടി​പ്പ​ടു​ക്കു​ക, ലോ​ക​ത്തെ പ്ര​ചോ​ദി​പ്പി​ക്കു​ക, ഭാ​വി സൃ​ഷ്​​ടി​ക്കു​ക’ എ​ന്നി​വ​യാ​ണ് രാ​ജ്യ​ത്തി​​ന്റെ ദൗ​ത്യ​മെ​ന്ന് മ​ന്ത്രി ചൂ​ണ്ടി​ക്കാ​ട്ടി. 2024ൽ ​രാ​ജ്യം 15,000 പ​രി​പാ​ടി​ക​ൾ​ക്ക് സാ​ക്ഷ്യം വ​ഹി​ച്ചു. അ​വ​യി​ൽ 4.2 കോ​ടി​യി​ല​ധി​കം സ​ന്ദ​ർ​ശ​ക​ർ പ​ങ്കെ​ടു​ത്തു.

ഞ​ങ്ങ​ളു​ടെ മു​ദ്രാ​വാ​ക്യം ഭാ​വി​യി​ലേ​ക്ക് നോ​ക്കു​ക​യ​ല്ല, മ​റി​ച്ച് അ​ത് സൃ​ഷ്​​ടി​ക്കു​ക എ​ന്ന​താ​ണ്. 2025 വ​ർ​ഷ​ത്തി​നാ​യു​ള്ള ഞ​ങ്ങ​ളു​ടെ അ​ഭി​ലാ​ഷ​ങ്ങ​ൾ കൈ​വ​രി​ക്കാ​ൻ ഞ​ങ്ങ​ൾ തു​ട​ങ്ങി​യി​രി​ക്കു​ന്നു​വെ​ന്നും വാ​ർ​ത്താ​വി​ത​ര​ണ മ​ന്ത്രി പ​റ​ഞ്ഞു.