സൗദിയിൽ മലയാളി കുത്തേറ്റ്​ മരിച്ചു; കൊല്ലം സ്വദേശി പിടിയിൽ

ദമ്മാം: ഒരേ മുറിയിൽ താമസിച്ചവർ തമ്മിലുണ്ടായ വാക്ക്​ തർക്കത്തെ തുടർന്ന്​ മലയാളി കുത്തേറ്റ്​ മരിച്ചു. മറ്റൊരാളെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. അൽഖോബാറിലെ പ്രമുഖ റിക്രൂട്ട്​മ​െൻറ്​ കമ്പനിയിലെ ജീവനക്കാരനായ തിരുവനന്തപുരം, വിഴിഞ്ഞം സ്വദേശി സന്തോഷ്​ പീറ്റർ (34) ആണ്​ മരിച്ചത്​. തിരുവല്ല സ്വദേശി ജിജ​ു​ പരിക്കുകളോടെ ആശുപത്രിയിലാണ്​. ഇദ്ദേഹം അപകടനില തരണം ചെയ്​തിട്ടുണ്ട്​.

ഇരുവരേയും കുത്തിയ പ്രതി ​െകാല്ലം സ്വദേശി സക്കീറിനെ പൊലീസ്​ പിടികൂടി. വ്യാഴാഴ്​ച രാത്രി 9.30ഓടെ റാക്കയിൽ തൊഴിലാളികൾ താമസിക്കുന്ന കെട്ടിടത്തിലായിരുന്നു​ സംഭവം. ഒരേ മുറിയിലെ താമസക്കാരായ സന്തോഷും പ്രതി സക്കീറും നിസാര കാരണങ്ങളുടെ പേരിൽ തർക്കം ആരംഭിക്കുകയായിരുന്നു. വഴക്ക്​ മൂർഛിച്ചതോടെ പലപ്രാവശ്യം സുഹൃത്തുക്കൾ ഇടപെട്ട്​ ഇരുവരേയും പിടിച്ചുമാറ്റി.

എന്നാൽ വീണ്ടും തർക്കം നടക്കുകയും അരയിൽ ഒളിപ്പിച്ചുവെച്ചിരുന്ന കത്തിയെടുത്ത്​ ​പ്രതി സന്തോഷി​​െൻറ നെഞ്ചിൽ കുത്തുകയുമായിരുന്നെന്ന്​ പറയപ്പെടുന്നു. കുത്തേറ്റ്​ താഴെ വീണ സന്തോഷിനെ ആശുപത്രിയിൽ എത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല. തടയാൻ ശ്രമിച്ച ജിജുവിന്​ കാലി​​െൻറ തുടയിലാണ്​ കുത്തേറ്റത്​. ​പ്രതി ഉടൻ വേഷം മാറി പുറത്തുപോവുകയായിരുന്നു.

സംഭവമറിഞ്ഞ്​ ഉടൻ സ്​ഥലത്തെത്തിയ പൊലീസ്​ പരിസരത്തെ കെട്ടിടങ്ങളിലടക്കം അന്വേഷണം നടത്തിയെങ്കിലും പ്രതിയെ കണ്ടെത്താനായിരുന്നില്ല. മൊബൈൽ ടവർ കേ​​ന്ദ്രീകരിച്ച്​ നടത്തിയ അന്വേഷണത്തിൽ ബയോണി എന്ന സ്​ഥലത്ത്​ എത്തിയ ഇയാൾ ടെലിഫോൺ സ്വിച്ച്​ ഓഫ്​ ചെയ്​ തതായി മനസിലാക്കി. വെള്ളിയാഴ്​ച ഉച്ചകഴിഞ്ഞ്​ അൽഖോബാറിലെ കോർണീഷിൽ നിന്നാണ്​ പൊലീസ്​ പ്രതിയെ പിടികൂടിയത്​. പ്രതിയും ​െകാല്ലപ്പെട്ട സന്തോഷും നേരത്തെ സൗദിയിൽ ജോലിചെയ്​തവരാ​െണങ്കിലും നിലവിലെ കമ്പനിയിൽ ഒരു വർഷം മുമ്പാണ്​ എത്തുന്നത്​. ഇരുവരും ​ൈഡ്രവർമാരാണ്​​.