സൗദി അറേബ്യയിൽ വിദേശികളുടെ പ്രഫഷൻ മാറ്റം പുനരാരംഭിക്കുന്നു

ജിദ്ദ: സൗദി അറേബ്യയിലെ സ്വകാര്യമേഖലയിൽ വിദേശികളുടെ തൊഴിൽ പ്രഫഷൻ മാറ്റം പുനരാരംഭിക്കുന്നു. ഇടക്കാലത്ത്​ നിർത്തിവെച്ച ഇൗ സേവനം മുഹറം ഒന്നു മുതല്‍ വ്യവസ്ഥകളോടെ പുനരാരംഭിക്കുമെന്ന് തൊഴിൽ,സാമൂഹിക വികസന മന്ത്രാലയം അറിയിച്ചു. തൊഴില്‍ വിപണി വീണ്ടും സജീവമാക്കുന്നതി​​​​​െൻറ ഭാഗമായാണ് നടപടി.  പ്രഫഷന്‍ മാറ്റം നിര്‍ത്തി വെച്ചതോടെ ഫ്രീ വിസയിലെത്തിയിരുന്ന മലയാളികള്‍ ഉള്‍പ്പെടെയുള്ളവര്‍ പ്രതിസന്ധിയിലായിരുന്നു.

ഏതെങ്കിലുമൊരു തൊഴില്‍ വിസയിലാണ് സാധാരണ പ്രവാസികള്‍ സൗദിയിലെത്താറ്. തുടര്‍ന്ന് വിദ്യാഭ്യാസയോഗ്യതക്ക്​ അനുസരിച്ച ജോലികളിലേക്ക് മാറുകയായിരുന്നു പതിവ്. സ്വദേശിവത്കരണ നടപടികൾ ഉൗർജിതമാക്കുന്നതി​​​​​െൻറ ഭാഗമായി ഏതാനും വർഷങ്ങളായി ഈ സേവനം നിർത്തിവെച്ചിരുന്നു. ഇതാണിപ്പോള്‍ വീണ്ടും പ്രാബല്യത്തിലാകുന്നത്.  പുതിയ മാനദണ്ഡങ്ങൾക്ക് അനുസൃതമായി പ്രഫഷൻ മാറ്റ സേവനം നടപ്പാക്കും. ഇതിനു മുന്നോടിയായി ഇന്നലെ മുതൽ സ്വകാര്യ സ്ഥാപനങ്ങൾക്ക് പ്രഫഷൻ മാറ്റ സേവനം ലഭ്യമാക്കി തുടങ്ങി. അന്താരാഷ്​ട്ര മാനദണ്​ഡങ്ങള്‍ക്ക് വിധേയമായാണ് പ്രഫഷന്‍ മാറ്റം അനുവദിക്കുക.

അതായത് പ്രഫഷൻ മാറ്റത്തിനുള്ള വ്യവസ്ഥകൾ പൂർണമാണെന്ന് കംപ്യൂട്ടർ സംവിധാനം അന്വേഷിച്ച് ഉറപ്പു വരുത്തും. പുതിയ ജോലി എൻജിനീയറിങ്​, ആരോഗ്യം, അക്കൗണ്ടിങ്​ മേഖലയിലേക്കാണ് മാറുന്നതെങ്കില്‍ പ്രായോഗിക പരിശീലനം സംബന്ധിച്ച രേഖ വേണ്ടി വരും. കൗൺസിൽ ഓഫ് സൗദി എൻജിനീയേഴ്‌സ്, സൗദി കമീഷൻ ഫോർ ഹെൽത്ത് സ്‌പെഷ്യാലിറ്റീസ്, സൗദി ഓർഗനൈസേഷൻ ഫോർ സെർട്ടിഫൈഡ് പബ്ലിക് അക്കൗണ്ടൻറ്​സ് എന്നിവയുമായി സഹകരിച്ചാണ് പ്രഫഷൻ മാറ്റ നടപടികൾ പൂർത്തിയാക്കുക.സാമൂഹിക വികസന മന്ത്രാലയത്തി​​​​​െൻറ പോർട്ടൽ വഴിയാണ് പ്രൊഫഷൻ മാറ്റത്തിന് അപേക്ഷ സമർപ്പിക്കേണ്ടത്.