റോ​ഡി​ന്റെ സു​ര​ക്ഷി​ത​ത്വം ഉ​റ​പ്പാ​ക്കാ​ൻ നൂ​ത​ന സം​വി​ധാ​നവുമായി സൗദി

റി​യാ​ദ്: രാ​ജ്യ​ത്തെ റോ​ഡു​ക​ളു​ടെ ത​ക​രാ​റു​ക​ൾ നി​രീ​ക്ഷി​ച്ച്​ അ​റ്റ​കു​റ്റ​പ്പ​ണി ന​ട​ത്താ​നും ട്രാ​ഫി​ക്​ അ​ട​യാ​ള​ങ്ങ​ൾ പ​തി​ക്കാ​നും നൂ​ത​ന മൊ​ബൈ​ൽ സാ​​ങ്കേ​തി​ക സം​വി​ധാ​നം. ഇ​ത്ത​ര​ത്തി​ലൊ​രു സം​വി​ധാ​നം ഉ​പ​യോ​ഗി​ക്കു​ന്ന ഗ​ൾ​ഫ്​ മേ​ഖ​ല​യി​ലെ ആ​ദ്യ രാ​ജ്യ​മാ​കു​ക​യാ​ണ്​ സൗ​ദി അ​റേ​ബ്യ. റോ​ഡ്സ് ജ​ന​റ​ൽ അ​തോ​റി​റ്റി​യാ​ണ് ഇ​ത്​ ഏ​ർ​പ്പെ​ടു​ത്തി​യി​രി​ക്കു​ന്ന​ത്. അ​റ്റ​കു​റ്റ​പ്പ​ണി​ക​ൾ മി​ക​വു​റ്റ നി​ല​യി​ൽ ന​ട​ത്തു​ക​യും റോ​ഡു​ക​ളു​ടെ സു​ര​ക്ഷി​ത​ത്വം ഉ​റ​പ്പാ​ക്കു​ക​യും ചെ​യ്യു​ക​യാ​ണ് ല​ക്ഷ്യം.

റോ​ഡു​ക​ളു​ടെ ഗു​ണ​നി​ല​വാ​രം വി​ല​യി​രു​ത്താ​നും ഇ​തു​വ​ഴി സാ​ധി​ക്കും. ഒ​പ്പം റോ​ഡി​ൽ ആ​വ​ശ്യ​മാ​യ ട്രാ​ഫി​ക്​ അ​ട​യാ​ള​ങ്ങ​ൾ പ​തി​ക്കാ​നും ഈ ​യ​ന്ത്ര​ത്തി​ന്​ ക​ഴി​യും. ഉ​യ​ർ​ന്ന റെ​സ​ല്യൂ​ഷ​നി​ലു​ള്ള കാ​മ​റ വ​ഴി​യാ​ണ് റോ​ഡ് പ​രി​ശോ​ധി​ക്കു​ക. ലൊ​ക്കേ​ഷ​ൻ നി​ർ​ണ​യ​ത്തി​നാ​യി ഉ​പ​ക​ര​ണ​ത്തി​ൽ ജി.​പി.​എ​സും ഘ​ടി​പ്പി​ച്ചി​ട്ടു​ണ്ട്. വാ​ഹ​ന​ത്തി​ൽ ഘ​ടി​പ്പി​ച്ച്​ മ​ണി​ക്കൂ​റി​ൽ 80 കി​ലോ​മീ​റ്റ​ർ വ​രെ വേ​ഗ​ത്തി​ൽ സ​ഞ്ച​രി​ച്ച് ആ​വ​ശ്യ​മാ​യ​ ജോ​ലി​ക​ൾ നി​ർ​വ​ഹി​ക്കാ​ൻ ഈ ​ഉ​പ​ക​ര​ണ​ത്തി​ന്​ ക​ഴി​യും. റോ​ഡി​ൽ ആ​വ​ശ്യ​മാ​യ അ​ട​യാ​ള​ങ്ങ​ൾ ഇ​ങ്ങ​നെ പ​തി​ക്കു​ക​യും ചെ​യ്യും.

റോ​ഡ്​ അ​റ്റ​കു​റ്റ​പ്പ​ണി​ക​ളി​ൽ ഏ​ർ​പ്പെ​ട്ടി​രി​ക്കു​ന്ന തൊ​ഴി​ലാ​ളി​ക​ളു​ടെ അ​പ​ക​ട​സാ​ധ്യ​ത കാ​ര്യ​മാ​യി കു​റ​ക്കു​ക​യും ചെ​യ്യും. അ​റ്റ​കു​റ്റ​പ്പ​ണി​ക​ളു​ടെ കാ​ര്യ​ക്ഷ​മ​ത​യും ഗു​ണ​നി​ല​വാ​ര​വും വ​ർ​ധി​പ്പി​ക്കു​ക​യും ചെ​ല​വു​കു​റ​ക്കു​ക​യും റോ​ഡ് അ​ട​യാ​ള​ങ്ങ​ൾ പു​തു​ക്കു​ക​യും ചെ​യ്യും. രാ​ജ്യ​ത്തെ മു​ഴു​വ​ൻ റോ​ഡു​ക​ളു​ടെ​യും ഗു​ണ​നി​ല​വാ​രം, സു​ര​ക്ഷ, ഗ​താ​ഗ​ത സാ​ന്ദ്ര​ത എ​ന്നി​വ​യി​ൽ ശ്ര​ദ്ധ കേ​ന്ദ്രീ​ക​രി​ക്കു​ന്ന​തി​നാ​ണ്​ ഈ ​സം​വി​ധാ​നം ഏ​ർ​പ്പെ​ടു​ത്തി​യ​തെ​ന്നും റോ​ഡ്സ് അ​തോ​റി​റ്റി വ്യ​ക്ത​മാ​ക്കി.