വിദേശികൾ അയക്കുന്ന പണത്തിന്​ നികുതി ചുമത്തില്ലെന്ന്​ ധനമന്ത്രാലയം

ജിദ്ദ: വിദേശികൾ നാട്ടിലേക്ക്​ അയക്കുന്ന പണത്തിന്​ നികുതി ഏർപ്പെടുത്തില്ലെന്ന്​ സൗദി ധനമന്ത്രാലയം വ്യക്​തമാക്കി. വിദേശികളുടെ പണം അയക്കൽ ഉൾപ്പെടെ നി​യമവിധേയ മാർഗങ്ങളിലൂടെയുള്ള ഒരു ധന വിനിമയത്തിനും പുതുതായി ഒരു നികുതിയും ചുമത്തില്ല.

രാജ്യത്തി​​​െൻറ സാമ്പത്തിക സംവിധാനങ്ങളിൽ വിദേശ നിക്ഷേപകർക്ക്​ വിശ്വാസ്യത വർധിപ്പിക്കുന്നതിനാണ്​ ശ്രമിക്കുന്നത്​. വിദേശനിക്ഷേപം ആകർഷിക്കുകയെന്നതാണ്​ വിഷൻ 2030 ​​​െൻറ നയപരിപാടികളിൽ പ്രധാനം.

പണമയക്കലിന്​ നികുതി ഏർപ്പെടുത്തുമെന്ന മാധ്യമ ​വാർത്തകൾ അടിസ്​ഥാന രഹിതമാണെന്നും മ​ന്ത്രാലയം പ്രസ്​താവിച്ചു. 2017 ജനുവരിയിലും ഇതുസംബന്ധിച്ച അഭ്യൂഹങ്ങൾ പ്രചരിച്ചിരുന്നു. അപ്പോഴും മ​ന്ത്രാലയം നിഷേധക്കുറിപ്പ്​ ഇറങ്ങിയിരുന്നുവെന്നും പ്രസ്​താവനയിൽ ചൂണ്ടിക്കാട്ടി.