സൗദിയിൽ ഇന്ധന വിലയിൽ നേരിയ വർധനവ്​

ജിദ്ദ: സൗദി അറേബ്യയിൽ വാറ്റ്​ 15 ശതമാനമാക്കി വർധിപ്പിച്ച തീരുമാനം ബുധനാഴ്​ച നടപ്പായതോടെ അതി​​െൻറ പ്രതിഫലനം എണ്ണ വിപണിയിലുമുണ്ടായി. രാജ്യത്തെ  ചരക്ക്​, സേവന മേഖലകളിൽ​ 15 ശതമാനം മൂല്യവർധിത നികുതി ബാധകമായ പശ്ചാത്തലത്തിൽ സൗദി ആരാംകോ ഇന്ധന വില പുതുക്കിനിശ്ചയിച്ചു.

പെട്രോൾ 91 ഇനത്തിന്​ 98 ഹലാലയും 95  ഇനത്തിന്​ 1.18 റിയാലുമായാണ്​ നേരിയ വർധനവ്​ വരുത്തിയത്​. നിലവിൽ 91 ഇനത്തിന്​ 90 ഹലാലയും 95 ഇനത്തിൽ 1.08 റിയാലുമായിരുന്നു. എട്ട്​ ഹലാലയും 10  ഹലാലയുമാണ്​ രണ്ടിനങ്ങളിലും കൂട്ടിയത്​. ഡീസൽ​ ലിറ്ററിന്​ 52 ഹലാലയാണ്​. നേരത്തെ 47 ഹലാലയായിരുന്നു. ജൂ​ൈല ഒന്നു മുതൽ 10​ വരെയുള്ള നിരക്കാണിതെന്നും  സൗദി അരാംകോ വ്യക്തമാക്കി.