സൗദിയിൽ ആറുപേർ മരിച്ചു, 493 പുതിയ രോഗികൾ

റിയാദ്​: സൗദി അറേബ്യയിൽ കോവിഡ്​ ബാധിച്ച്​ ബുധനാഴ്​ച ആറുപേർ മരിച്ചു. മരണസംഖ്യ 79 ആയി. 493 പേർക്ക്​ പുതുതായി രോഗബ ാധ സ്ഥിരീകരിച്ചു. വൈറസ്​ ബാധിതരുടെ എണ്ണം ഇതോടെ 5,862 ആയി. മക്കയിൽ നാലും മദീനയിൽ രണ്ടും പേരാണ്​ പുതുതായി മരിച്ചത്​ . മക്കയിൽ ആകെ മരണ സംഖ്യ 22 ഉം മദീനയിൽ 31ഉം ആയി.

ജിദ്ദയിൽ 12ഉം റിയാദിൽ നാലും ഹുഫൂ-ഫിൽ മൂന്നും ഖത്വീഫ്​, ദമ്മാം, അൽഖേ ാബാർ, ഖമീസ്​ മുശൈത്ത്​, ബുറൈദ, ജുബൈൽ, അൽബദാഇ എന്നിവിടങ്ങളിൽ ഒാരോന്നുമാണ്​ ഇതുവരെ രജിസ്​റ്റർ ചെയ്​ത മരണങ്ങൾ. രോഗബാധിതരിൽ 4,852 പേർ ചികിത്സയിൽ തുടരുന്നു. 62 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലാണെന്നും ആരോഗ്യ മന്ത്രാലയ വക്താവ്​ ഡോ. മുഹമ്മദ്​ അബ്​ദുൽ അൽഅലി വാർത്താസമ്മേളനത്തിൽ അറിയിച്ചു​. 42 പേർ​ പുതുതായി സുഖം പ്രാപിച്ചു​.

രോഗമുക്തരുടെ എണ്ണം 931 ആയി. പുതിയ രോഗികളുടെ എണ്ണത്തിൽ ബുധനാഴ്​ച മദീനയാണ്​ മുന്നിൽ. പുതുതായി 109 പേരിലാണ്​ രോഗം സ്ഥിരീകരിച്ചത്​. ഹുഫൂഫ്​ (86), ദമ്മാം (84), ജിദ്ദ (69), റിയാദ്​ (56), മക്ക (40), ത്വാഇഫ്​ (ഒമ്പത്​), ജുബൈൽ (ആറ്​), അൽമഖ്​വ (ആറ്​), ഖുലൈസ്​ (ആറ്​), അറാർ (അഞ്ച്​), യാംബു (നാല്​), ഖത്വീഫ്​ (നാല്​), അൽബാഹ (രണ്ട്​), റാസ്​ തനൂറ (രണ്ട്​), സുൽഫി (ഒന്ന്​), അൽഖോബാർ (ഒന്ന്​), ദഹ്​റാൻ (ഒന്ന്​), അൽമുസയിൽഫ്​ (ഒന്ന്​), അൽഖറിയ (ഒന്ന്​) എന്നിങ്ങനെയാണ്​ മറ്റിടങ്ങളിലെ

പുതിയ രോഗികളുടെ കണക്ക്​. റിയാദിൽ ഇതുവരെ കോവിഡ്​ ബാധിച്ചവരുടെ എണ്ണം 1592 ആയി. മക്കയിൽ 1201ഉം മദീനയിൽ 938ഉം ജിദ്ദയിൽ 795ഉം ദമ്മാമിൽ 343ഉം ഖത്വീഫിൽ 193ഉം ഹുഫൂഫിൽ 167ഉം തബൂക്കിൽ 113ഉം ത്വാഇഫിൽ 71ഉം ദഹ്​റാനിൽ 50ഉം അൽഖോബാറിൽ 44ഉം ഖമീസ്​ മുശൈത്തിൽ 43ഉം ബുറൈദയിൽ 40ഉം നജ്​റാനിൽ 26ഉം യാംബുവിൽ 25ഉം അബഹയിൽ 23ഉം അൽബാഹയിൽ 18ഉം ബീഷയിലും ജീസാനിലും 17 വീതവുമാണ്​ രോബാധിതരുടെ കണക്ക്​.