സൗദിയിൽ രോഗികളുടെ എണ്ണം വീണ്ടും ഉയർന്നു

റിയാദ്​: സൗദി അറേബ്യയിൽ പുതിയ കോവിഡ്​ ബാധിതരുടെ എണ്ണം വീണ്ടും ഉയർന്നു. 327 പേർക്കാണ്​ വെള്ളിയാഴ്​ച രോഗ ബാധ​ സ്ഥിരീകരിച്ചത്​​. പുതിയ രോഗികളിൽ കൂടുതലും റിയാദിലാണ്. സുഖം പ്രാപിക്കുന്നവരുടെ എണ്ണത്തിൽ കുറവുമുണ്ട്​. 257 പേർ മാത്രമാണ്​ കഴിഞ്ഞ 24 മണിക്കൂറിനിടെ രോഗമുക്തി നേടിയത്​. രാജ്യത്ത്​ വിവിധയിടങ്ങളിലായി നാല്​​​ മരണങ്ങളും റിപ്പോർട്ട്​ ചെയ്​തു.

ഇതോടെ രാജ്യത്ത്​ റിപ്പോർട്ട്​ ചെയ്​ത കോവിഡ്​ കേസുകളുടെ ആകെ എണ്ണം 369575 ഉം രോഗമുക്തരുടെ എണ്ണം 360954 ഉം ആയി. ആകെ മരണസംഖ്യ 6393 ആയി ഉയർന്നു. അസുഖ ബാധിതരായി ചികിത്സയിൽ കഴിയുന്നവരുടെ എണ്ണം 2228 ആയി കുറഞ്ഞു.

ഇതിൽ ഗുരുതരാവസ്ഥയിലുള്ളവരുടെ എണ്ണം 385 ആണ്​​​. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്​. ബാക്കിയുള്ളവരുടെ ആരോഗ്യസ്ഥിതി തൃപ്​തികരമാണ്​. രാജ്യത്തെ കോവിഡ്​ മുക്തി നിരക്ക്​ 97.7 ശതമാനവും മരണനിരക്ക്​ 1.7 ശതമാനവുമായി തുടരുന്നു​.

24 മണിക്കൂറിനിടെ വിവിധ മേഖലകളിൽ റിപ്പോർട്ട്​ ചെയ്​ത പുതിയ കോവിഡ്​ കേസുകൾ: റിയാദ്​ 134, കിഴക്കൻ പ്രവിശ്യ 67, മക്ക 38, അൽബാഹ​ 17, അൽഖസീം 13, മദീന 11, അസീർ 10, ഹാഇൽ 10, നജ്​റാൻ 8, വടക്കൻ അതിർത്തി മേഖല 6, ജീസാൻ 6, അൽജൗഫ്​ 5, തബൂക്ക്​ 2.