സൗദിയിൽ 249 പേർക്ക് കൂടി കോവിഡ്
text_fields
റിയാദ്: സൗദി അറേബ്യയിൽ 249 പേർക്ക് പുതുതായി കോവിഡ് സ്ഥിരീകരിച്ചു. രാജ്യത്ത് വിവിധയിടങ്ങളിലായി 12 മരണങ്ങൾ റിപ്പോർട്ട് ചെയ്തു. 337 പേർ കോവിഡ് മുക്തരായി. ആകെ കോവിഡ് കേസുകളുടെ എണ്ണം 357872 ആയി. രോഗമുക്തരുടെ ആകെ എണ്ണം 347513 ആയി ഉയർന്നു. ആകെ മരണസംഖ്യ 5919 ആണ്.
അസുഖ ബാധിതരായി രാജ്യത്ത് അവശേഷിക്കുന്നവരുടെ എണ്ണം 4440 ആയി കുറഞ്ഞു. ഇതിൽ 632 പേർ മാത്രമാണ് ഗുരുതരനിലയിലുള്ളത്. ഇവർ തീവ്രപരിചരണ വിഭാഗത്തിലാണ്. രാജ്യത്തെ കോവിഡ് മുക്തി നിരക്ക് 97.1 ശതമാനമായി ഉയർന്നു. മരണനിരക്ക് 1.7 ശതമാനവുമായി. കഴിഞ്ഞ 24 മണിക്കൂറിനിടെ വിവിധ മേഖലകളിൽ റിപ്പോർട്ട് ചെയ്ത പുതിയ കോവിഡ് കേസുകൾ: റിയാദ് 65, മക്ക 51, മദീന 32, കിഴക്കൻ പ്രവിശ്യ 29, ഖസീം 19, അസീർ 17, നജ്റാൻ 13, അൽബാഹ 9, ഹാഇൽ 6, അൽജൗഫ് 4, തബൂക്ക് 3, ജീസാൻ 1.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.