സൗദിയിൽ രോഗമുക്തിയെക്കാളുയർന്ന്​ രോഗബാധ

റിയാദ്​: സൗദി അറേബ്യയിൽ പുതിയ കോവിഡ്​ കേസുകളുടെ പ്രതിദിന എണ്ണം രോഗമുക്തിയുടെ എണ്ണത്തെക്കാൾ മുകളിലായി. ചൊവ്വാഴ്​ച 385 പേർക്കാണ്​ പുതുതായി രോഗബാധ സ്ഥിരീകരിച്ചത്​. 375 രോഗബാധിതർ സുഖം പ്രാപിച്ചു.

ആകെ റിപ്പോർട്ട്​ ചെയ്​ത 342,968 പോസിറ്റീവ്​ കേസുകളിൽ 329,270 പേർ രോഗമുക്തി നേടി. രാജ്യത്തെ കോവിഡ്​ മുക്തി നിരക്ക്​ 96.1 ശതമാനമായി തുടരുന്നു. ആകെ മരണസംഖ്യ 5217 ആയി. മരണനിരക്ക്​ 1.5 ശതമാനമായി തുടരുന്നു. രോഗബാധിതരായി രാജ്യത്ത്​ ബാക്കിയുള്ളത്​ 8481 പേരാണ്​.

അതിൽ 840 പേരുടെ നില ഗുരുതരമാണ്​. 24 മണിക്കൂറിനിടെ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ മദീനയിലാണ്, 59. യാംബു​​ 31, മക്ക​​ 27, റിയാദ്​​ 23, ഖമീസ്​ മുശൈത്ത്​​ 22, ദമ്മാം​ 20, മുബറസ്​​​ 18, ഹുഫൂഫ്​​ 12, അറാർ 12, ജിദ്ദ 10, അബഹ​ 9, ബുറൈദ​ 8, നാരിയ 7, ദഹ്​ റാൻ 7 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം.