കോവിഡ്​: സൗദിയിൽ മരണനിരക്കും കുറഞ്ഞുതുടങ്ങി​

റിയാദ്​: സൗദി അറേബ്യയിൽ പുതുതായി രജിസ്​റ്റർ ചെയ്യുന്ന കോവിഡ്​ കേസുകൾക്ക്​ പുറമെ മരണ നിരക്കും കുറഞ്ഞുതുടങ്ങി. ചൊവ്വാഴ്​ച ആരോഗ്യമന്ത്രാലയം പുറത്തുവിട്ട കണക്ക്​ പ്രകാരം രാജ്യത്തെ വിവിധ ഭാഗങ്ങളിലായി കോവിഡ്​ ബാധിച്ചു കഴിഞ്ഞ 24 മണിക്കൂറിനിടെ മരിച്ചത്​ 19 പേരാണ്​. കഴിഞ്ഞ ഏതാനും ആഴ്​ചകളായി 20നും 30നും ഇടയിലായിരുന്നു പ്രതിദിന മരണസംഖ്യ. ഇതോടെ രാജ്യത്തെ ആകെ മരണസംഖ്യ 5087 ആയി.1.5 ശതമാനമാണ്​ മരണനിരക്ക്​.

474 പേർക്ക്​ പുതുതായി കോവിഡ്​ സ്ഥിരീകരിച്ചു. 500 പേർ സുഖം പ്രാപിച്ചു. ആകെ റിപ്പോർട്ട്​ ചെയ്​ത 340,089 പോസിറ്റീവ്​ കേസുകളിൽ 326,339 പേർ രോഗമുക്തി നേടി. രാജ്യത്തെ കോവിഡ്​ മുക്തി നിരക്ക്​ 96 ശതമാനമായി. രോഗബാധിതരായി രാജ്യത്ത്​ ബാക്കിയുള്ളത്​ 8663 പേരാണ്​. അതിൽ 839 പേരുടെ നില ഗുരുതരമാണ്​.

റിയാദ്​ 1, ജിദ്ദ 2, മക്ക 3, ഹുഫൂഫ്​ 1, ഹാഇൽ 1, ബുറൈദ 1, അബഹ 1, ഹഫർ അൽബാത്വിൻ 1, നജ്​റാൻ 1, തബൂക്ക്​ 1, ജീസാൻ 1, ബീഷ 1, അറാർ 1, സബ്​യ 1, സാംത 1, അൽമദ്ദ 1 എന്നിവിടങ്ങളിലാണ് ചൊവ്വാഴ്​ച മരണങ്ങൾ സംഭവിച്ചത്​. 24 മണിക്കൂറിനിടെ പുതിയ കോവിഡ്​ കേസുകൾ ഏറ്റവും കൂടുതൽ റിപ്പോർട്ട്​ ചെയ്​തത്​ മക്കയിലാണ്, 59. മദീന​ 58, യാംബു 37, ഹുഫൂഫ്​​ 29, റിയാദ്​​​ 29, ഹാഇൽ 25, ദമ്മാം​ 20, നജ്​റാൻ​ 12, മുബറസ്​ 11, മഖ്​വ 11, ജീസാൻ 11, അറാർ 11, അബഹ 8, നാരിയ 8 എന്നിങ്ങനെയാണ് പ്രധാന നഗരങ്ങളിൽ പുതുതായി രേഖപ്പെടുത്തിയ കോവിഡ് രോഗികളുടെ എണ്ണം. ചൊവ്വാഴ്​ച നടത്തിയ 49,495 ടെസ്​റ്റ്​ ഉൾപ്പെടെ രാജ്യത്ത്​ ഇതുവരെ നടന്ന ആകെ കോവിഡ്​ ടെസ്​റ്റുകളുടെ എണ്ണം 7,109,978 ആയി.

മരണം പ്രദേശം തിരിച്ച കണക്ക്​:

റിയാദ്​ 1105, ജിദ്ദ 1000, മക്ക 784, ഹുഫൂഫ്​ 265, ത്വാഇഫ്​ 213, ദമ്മാം 140, മദീന 136, അബഹ 132, ജീസാൻ 129, ബുറൈദ 112, ഹഫർ അൽബാത്വിൻ 80, ഹാഇൽ 80, മുബറസ്​ 79, തബൂക്ക്​ 75, അറാർ 66, സബ്​യ 49, മഹായിൽ 45, അൽബാഹ 43, അബൂ അരീഷ്​ 40, ഖത്വീഫ് 34, നജ്​റാൻ 35, ഖമീസ്​ മുശൈത്ത്​​ 30, അൽറസ്​ 30, സകാക 29, ബീഷ​ 28, ബെയ്​ഷ്​ 27, വാദി ദവാസിർ 23, ഖർജ്​ 20, സാംത 20, അയൂൺ 19, അൽഖുവയ്യ 18, ഖോബാർ 15, ​ഉനൈസ 12, അൽമജാരിദ 11, റിജാൽ അൽമ 11, റഫ്​ഹ 10, അൽഅർദ 9, അൽനമാസ്​ 8, അഹദ്​ മസറ 8, ജുബൈൽ 8, അഹദ്​ റുഫൈദ 7, ഹുറൈംല 6, ദർബ്​ 6, അൽ-ജഫർ 5, ദമദ്​ 5, ഖുറയാത്​ 5, സു​ൈലയിൽ 4, ഖുൻഫുദ 4, ശഖ്​റ 4, മുസാഹ്​മിയ 4, നാരിയ 4, യാംബു 3, അൽമദ്ദ 3, ഹുത്ത ബനീ തമീം 3, ദഹ്​റാൻ 3, ബല്ലസ്​മർ 3, ഹായ്​ത്​ 3, സുൽഫി 3, അൽദായർ 3, റാബിഖ്​ 3, അൽബദാഇ 2, ഹുത്ത സുദൈർ 2, അയൂൺ അൽജുവ 2, തുവാൽ 2, ശറൂറ 2, അബ്​ഖൈഖ്​ 2, ദുർമ 1, താദിഖ്​ 1, മൻദഖ്​ 1, ഫുർസാൻ 1, ദൂമത്​ അൽജൻഡൽ 1, ദറഇയ 1, അല്ലൈത്​ 1, ഖൈസൂമ 1, സാറാത്​ ഉബൈദ 1, ഖുൽവ 1, ഖഹ്​മ 1, അൽഖൂസ്​ 1, തബർജൽ 1, ബഖഅ 1, തുറൈഫ്​ 1, ദഹ്​റാൻ അൽജനൂബ്​ 1, അൽമദ്ദ 1.