സൗദിയിൽ പുതിയ കോവിഡ് കേസുകൾ കൂടുന്നു

ജിദ്ദ: സൗദിയിൽ കോവിഡ് കേസുകളിൽ വർധന തുടരുന്നു. 24 മണിക്കൂറിനിടെ 806 പേർക്കാണ് പുതുതായി രോഗബാധ സ്ഥിരീകരിച്ചത്. 405 പേർക്ക് രോഗമുക്തി ഉണ്ടായി. ഇതോടെ ഇതുവരെ രാജ്യത്ത് റിപ്പോർട്ട് ചെയ്ത ആകെ കോവിഡ് കേസുകളുടെ എണ്ണം 804,570 ഉം രോഗമുക്തരുടെ എണ്ണം 788,371 ഉം ആയി.

ഒരാൾ പേർ മരിച്ചു. ഇതോടെ രാജ്യത്തെ ആകെ മരണം 9,233 ആയി. നിലവിൽ 6,966 പേർ രോഗം ബാധിച്ച് ചികിത്സയിലുണ്ട്. ഇവരിൽ 145 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗങ്ങളിൽ ചികിത്സയിൽ തുടരുന്നു.

സൗദിയിൽ നിലവിലെ കോവിഡ് മുക്തിനിരക്ക് 98.03 ശതമാനവും മരണനിരക്ക് 1.14 ശതമാനവുമാണ്. രാജ്യത്തെ പ്രധാന നഗരങ്ങളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 234, ജിദ്ദ 127, ദമ്മാം 66, മക്ക 43, മദീന 29, ത്വാഇഫ് 29, ഹുഫൂഫ് 26, ജീസാൻ 21, അബ്ഹ 19, അൽബാഹ 17, ദഹ്റാൻ 13, ബുറൈദ 11, തബൂക്ക് 10, ഖോബാർ 9, ഖർജ് 8, ഹാഇൽ 6, ഖമീസ് മുശൈത്ത് 5, നജ്റാൻ 5, ജുബൈൽ 5, അബൂഅരീഷ് 4, ദവാദ്മി 4, യാംബു 4, സാറാത് ഉബൈദ 4, ഉനൈസ 4, അൽറസ് 4, ബൽജുറൈഷ് 4, അറാർ 3, ബീഷ 3, മഖ്‍വ 3, സബ്‍യ 3, ഹഫർ അൽബാത്വിൻ 3.