കോവിഡ്: സൗദിയിൽ ആശ്വാസക്കണക്കുകൾ തുടരുന്നു; ഇന്ന് 177 പുതിയ രോഗികൾ മാത്രം

ജിദ്ദ: സൗദിയിൽ കോവിഡ് ആശ്വാസക്കണക്കുകൾ തുടരുന്നു. ഇന്ന് 177 പേർക്ക് മാത്രമാണ് പുതുതായി രോഗം ബാധിച്ചത്. 279 പേർ രോഗമുക്തിയും നേടി. ഇതോടെ രാജ്യത്തെ ആകെ കോവിഡ് ബാധിച്ചവരുടെ എണ്ണം 5,44,811 ഉം രോഗമുക്തി നേടിയവരുടെ എണ്ണം 5,33,430 ഉം ആയി.

എട്ട് പേർ ഇന്ന് മരിച്ചു. ഇതോടെ രാജ്യത്തെ ആകെ മരണം 8,560 ആയി. നിലവിൽ 2,821 പേർ മാത്രമാണ് ചികിത്സയിലുള്ളത്. ഇവരിൽ 824 പേർ ഗുരുതരാവസ്ഥയിലാണ്. ഇതുവരെ രാജ്യത്തെ രോഗ മുക്തിനിരക്ക് 97.91 ശതമാനവും മരണനിരക്ക് 1.56 ശതമാനവുമാണ്.

വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 54, മക്ക 29, കിഴക്കൻ പ്രവിശ്യ 18, ജീസാൻ 14, അൽ ഖസീം 13, മദീന 11, നജ്റാൻ 8, അസീർ 7, തബൂക്ക് 5, വടക്കൻ അതിർത്തി മേഖല 5, അൽ ജൗഫ് 5, ഹായിൽ 5, അൽബാഹ 3. ഇതുവരെ രാജ്യത്ത് 3,73,43,873 ഡോസ് കോവിഡ് വാക്സിൻ വിതരണം നടത്തിയതായി സൗദി ആരോഗ്യ മന്ത്രാലയം അറിയിച്ചു.