സൗദിയിൽ 59 പേർക്ക്​ കോവിഡും അഞ്ച്​ മരണവും

റിയാദ്: സൗദി അറേബ്യയിൽ പുതുതായി 59 പേർക്ക്​ കൂടി കോവിഡ് സ്ഥിരീകരിച്ചു. ​നിലവിൽ ചികിത്സയിലുള്ളവരിൽ 78 പേർ​ സുഖം പ്രാപിച്ചു​. രാജ്യത്ത്​ വിവിധ ഭാഗങ്ങളിലായി അഞ്ചുപേർ മരിച്ചു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,46,985 ആയി. ഇതിൽ 5,36,028 പേർ രോഗമുക്തരായി. ആകെ മരണസംഖ്യ 8,704 ആയി ഉയർന്നു.

രോഗബാധിതരിൽ 244 പേരുടെ ആരോഗ്യനില ഗുരുതരമാണ്​. രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 10, ജിദ്ദ 10, ഹഫർ 4, മദീന 3, മക്ക 3, തുവാൽ 2, ത്വാഇഫ്​ 2, യാംബു 2, അൽഖുവയ്യ 2, മറ്റ്​ 21 സ്ഥലങ്ങളിൽ ഓരോ വീതം രോഗികൾ. സൗദി അറേബ്യയിൽ ഇതുവരെ 41,706,410 ഡോസ് കോവിഡ്​ വാക്​സിൻ വിതരണം ചെയ്​തു.