സൗദിയിൽ ഇന്ന് 252 പേർക്ക്കൂടി കോവിഡ്; 109 പേർ രോഗമുക്തരായി

ജിദ്ദ: സൗദിയിൽ ഇന്ന് 252 പുതിയ കോവിഡ് രോഗികളും 109 പേർ രോഗമുക്തിയും റിപ്പോർട്ട് ചെയ്തു. ഇതുവരെ രാജ്യത്ത് റിപ്പോർട്ട് ചെയ്യപ്പെട്ട ആകെ കോവിഡ് കേസുകളുടെ എണ്ണം 5,51,462 ഉം രോഗമുക്തരുടെ എണ്ണം 5,40,393 ഉം ആയി. പുതുതായി രണ്ട് മരണം കോവിഡ് മൂലമാണെന്ന് റിപ്പോർട്ട് ചെയ്തു. ഇതോടെ ആകെ മരണം 8,867 ആയി.

2,202 പേർ നിലവിൽ ചികിത്സയിലുണ്ട്. ഇവരിൽ 30 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്.

രാജ്യത്തെ കോവിഡ് മുക്തി നിരക്ക് 98 ശതമാനവും മരണനിരക്ക് 1.6 ശതമാനവുമായി തുടരുന്നു. വിവിധ പ്രവിശ്യകളിൽ പുതുതായി റിപ്പോർട്ട് ചെയ്ത രോഗികളുടെ എണ്ണം: റിയാദ് 91, ജിദ്ദ 51, മക്ക 29, ദമ്മാം 11, അറാർ 10, മദീന 8, അൽ ഖോബാർ 6, ത്വാഇഫ് 4, അൽ ബഹ 3, ഹുഫൂഫ് 3, അൽ മുബറസ്‌ 3, തബൂക്ക്, അൽ മജ്മഅ, ദവാദ്മി, യാംബു, തുറൈഫ്, ജുബൈൽ, ഖതീഫ്, അൽ ഖർജ് എന്നിവിടിങ്ങളിൽ 2 വീതവും മറ്റ് 17 സ്ഥലങ്ങളിൽ ഓരോ വീതം രോഗികളും. സൗദി അറേബ്യയിൽ ഇതുവരെ 48,711,109 ഡോസ് കോവിഡ് വാക്സിൻ വിതരണം ചെയ്തു. ഇതിൽ 24,901,754 ആദ്യ ഡോസും 22,985,510 രണ്ടാം ഡോസും 823,845 ബൂസ്റ്റർ ഡോസുമാണ്.